Jennifer Haller: Mace ta farko a duniya da aka fara gwada maganin Coronavirus a jikinta

Wata mata mai shekaru 43 a duniya ta zama mutum ta farko a duniya da aka yiwa allurar gwajin maganin cutar Coronavirus

Bayan fara gabatar da gwajin, Jennifer Haller ta zama ta farko da aka fara gabatar da gwajin a jikinta.

Gwajin wanda aka fara shi kwanan nan, Dr Lisa Jackson ta jagoranci gwajin, wacce take babbar ma'aikaciya a cibiyar lafiya ta Seattle dake birnin Washington, birnin da yafi ko ina yawan mutanen da suka kamu da cutar a kasar Amurka, inda mutane 42 suka mutu a cikin mutane 69 na kasar.

Jennifer Haller ta yi magana akan wannan gwaji da aka gabatar a kanta, inda ta ce:

"Hankalin mu duka a tashe yake saboda wannan cutar, saboda haka nake ganin kamar wannan wata dame ce a wajena a fara gabatar da gwajin a kaina."

KU KARANTA: Na rasa gidana, katafaren shagona da manyan motoci na alfarma sanadiyyar gobar Legas - Jaruma Umeh

An zabi mutane wadanda za a gabatar da gwajin a kansu da suke tsakanin shekaru 18 zuwa 55, inda ba wai iya lafiyar maganin za a duba ta maganin ba, ana so a gano yadda mutum zai yi bayan gabatar da gwajin a jikinshi.

Nan da makonni shida, za a sake gabatar da gwajin akan mutane 45.

Wannan dai na zuwa ne bayan cutar ta Coronavirus wacce ta samo asali a kasar China ta girgiza ko ina na kasashen duniya.

Cutar wacce a yanzu ta shiga kusan dukanin kasashen duniya an kasa gano ainahin maganinta. Sai dai a wannan karon kasar ta Amurka ta gabatar da gwajin a karon farko.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng