Jikar Dahiru Bauchi 'yar shekara uku ta haddace Qur'ani

Jikar Dahiru Bauchi 'yar shekara uku ta haddace Qur'ani

Rukayyatu Fatahu Umar ta zamo daya cikin yara Musulmai kanana a duniya da suka haddace Al-Qur'ani mai girma. Jikar babban malami ce, Sheikh Dahiru Usman Bauchi daga diyarsa mai suna Sayyada Maimunatu Sheikh Dahiru Usman.

Karamar yarinyar ta fara haddar Qur'ani ne a wata makarantar Islamiyya da kakanta ya kafa. Makarantar kuwa na karkashin kular mahaifiyar yarinyar ne Sayyada Maimunatu.

Makarantar na nan ne a Bakin Ruwa a Kaduna.

Kamar yadda mahaifiyar yarinyar ta sanar, diyarta ta haddace littafin mai girma ne a lokacin da ta cika shekaru uku da watanni takwas a duniya.

Rukayyatu ta fara koyon karatun Qur'ani ne tun tana tsumman goyo saboda mahaifiyarta na da daliban da take koyarwa a dakinta.

Jikar Dahiru Bauchi 'yar shekara uku ta haddace Qur'ani

Jikar Dahiru Bauchi 'yar shekara uku ta haddace Qur'ani
Source: Facebook

Ta ce "muna amfani da dakina wajen karatu inda ake daukar darussan Qur'ani,"

"A lokacin, ina goyata a baya yayin da nake koyar da daliban. Daga nan ne ta fara bin daliban suna karatun. Babu dadewa kuwa ta fara haddace wasu surori," in ji Maimunatu.

DUBA WANNAN: Sauya su Buratai: Fadar shugaban kasa ta bankado shirin masu cin moriyar kungiyar Boko Haram

"Daga nan ne ta fara zama a aji inda ake hadda. A halin yanzu, ta kammala haddace Qur'ani. Ina matukar godiya ga mahaifina Sheikh Dahiru Bauchi wanda ya dasa ni a wannan hanyar ta Musulunci," mahaifiyar ta ce.

Allah ya ci gaba da tsare mahaddaciyar. Ameen.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit

Mailfire view pixel