Jerin kasashen da suka fi ko ina hadari a duniya a shekarar 2020

Talata, Nuwamba 19, 2019 at 1:01 Yamma daga Mudathir Ishaq 2 - tsawon mintuna

- Sabuwar taswirar tafiye-tafiye ta shekarar 2020 da ta fito, an bayyana wurare masu matukar hatsari a duniya

- Kwararrun masana a fannin hatsarin kasashe na duniya sun fitar da taswirar a kan kiwon lafiya, tsaro da ingantattun tituna

- A fannin lafiya da tsaro, anyi kididdigar ne a cikin mutane biyar, inda na lafiyar tituna aka yi kididdigar a kan yawan mutanen da ke mutuwa duk cikin mutane 100,000

A sabuwar taswirar tafiye-tafiye ta duniya ta shekarar 2020 da ta fito, an bayyana kasashe masu matukar hatsarin gaske a duniya.

Kasashen Libya, Somalia, Sudan ta kudu da Jamhuriyar Afirka ta tsakiya sun bayyana a matsayin kasashe mafiya hatsari a duniya kamar yadda taswirar ta bayyana.

Kwararrun masana a fannin kasashe masu hatsari na duniya sun fitar da taswirar ne a kan abubuwa uku, wadanda suka hada da: kiwon lafiya, tsaro da lafiyar tituna.

A cikin kididdigar da masanan suka yi, kasashen Iceland, Norway, Finland, Denmark, Switzerland, Luxemborg, Slovenia, Andorra da Svalbard ne suka kasance kan gaba a fannin kiwon lafiya ingantacciya, tsaro da lafiyar tituna.

KU KARANTA: Bidiyon yadda Sadiya Haruna da Isah A Isah suke kokarin sumbatar junansu

Kasashen da ke da matukar hatsari ta fannin tsaro sun hada da Mali a arewa maso yammacin nahiyar Afirka, Syria, Yemen da Afghanistan.

Kasashen Venezuela, Haiti, Koriya ta arewa, Syria, Iraqi, Afghanistan, Yemen, Eritrea, Burkina Faso, Niger, Guinea, Sierra Leone, Liberia, Guinea-Bissau da Burundi ne aka gano suna da manyan hadurra ta fannin kiwon lafiya.

Kasashe masu matukar hatsari ta fuskar tsaro sun hada da: Libya, Somalia, South Sudan, Jamhuriyar Afirka ta tsakiya, Mali, Syria, Iraqi, Yemen da Afghanistan. Kasashen da basu da hatsari ta fuskar tsaro a duniya sun hada da: Iceland, Norway, Finland, Denmark, Switzerland, Luxemborg, Slovenia, Andorra, Svalbard da kasar Greenland.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Kasashen Duniya Labaran Duniya