Jiya ba yau ba: Jarumi Shah Rukh Khan ya cika shekaru 54 a duniya

Laraba, Nuwamba 06, 2019 at 9:59 Safiya daga Mudathir Ishaq 2 - tsawon mintuna

Mashahurin jarumin fina-finan India kuma Furodusa a masana'antar Bollywood, Shah Rukh Khan ya cika shekaru 54 a duniya.

Sanannen jarumin mai matsakaicin tsawo, an haifeshi ne a ranar 2 ga watan Nuwamba na shekarar 1965 a babban birin kasar India da ake kira da New Delhi.

Jarumin ya samu karatun farkon rayuwarsa ne a makarantar St. Columba daga nan ya zarce kwalejin Hansraj dake jami'ar Delhi. Shah Rukh Khan ya samu shaidar digirinsa na farko da na biyu ne daga jami'ar Millia Islamia a fannin tsimi da tattali.

Jarumin ya auri Gauri Khan a ranar 25 ga watan Oktoba, 1991. Ubangiji ya albarkaci auren da yara uku, maza biyu (Aryan Khan da AbRam Khan) sai mace daya mai suna Suhana Khan.

DUBA WANNAN: Fallasa: An gano yadda Abba Kyari ya ingiza Buhari ya kwace aikin kaddamar da NLTP

A halin yanzu ya cika shekaru 54 da haihuwa a duniya bayan nasarori da dama da ya samu a sana'arsa. Jarumin ya karbi lambobin yabo tare da jinjinawa hadi da karramawa duk ta bangaren sana'arsa.

A yayin da jarumin ke murnar cika shekaru 54 a duniya, al'umma daga sassa daban-daban na duniya sun tayashi farincikin zagoyawar ranar. Sun bayyana hakan ne ta hanyar mika sakonnin taya shi murna.

Shima jarumin bai yi kasa a guiwa ba wajen mika sakon godiyarsa ga dumbin masoyansa da ke fadin duniya.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

India Labaran Duniya