Dandalin Kannywood; Sanata Kwankwaso ya damka ma Adam Zango darikar Kwankwasiyya

Litinin, Faburairu 11, 2019 at 10:56 Safiya daga Mudathir Ishaq 2 - tsawon mintuna

Zuwa yanzu dai labari ya riga y agama yaduwa cewa mashahurin dan wasan fina finan Hausa da akafi saninsu da suna Kannywood, Adam Zango ya sauya gidan siyasarsa, bayan yayi jifa da gidan shugaban kasa Muhammadu Buhari ya rungumi takarar siyasar Atiku Abubakar.

Da wannan ne Zangon ya garzaya da kansa ba sako ba zuwa jahar Kano, har gidan jagoran kwankwasiyya, kuma tsohon gwamnan jahar Kano, Sanata Rabiu Musa Kwankwaso domin ya karbi darikar Kwankwasiyya, kamar yadda al’adar siyasar take.

Dandalin Kannywood; Sanata Kwankwaso ya damka ma Adam Zango darikar Kwankwasiyya — Adam Zango darikar Kwankwasiyya
Asali: Facebook

KU KARANTA: Lamidon Adamawa, da wasu manyan Sarakunan Najeriya 2 dake tare da Buhari a zaben 2019

Haka kuwa aka yi, inda isarsa keda wuya, sai suka yi arba da Sanata Rabiu Kwankwaso, nan take ya rusuna a gaban Kwankwaso, shi kuma ya dauki jar hula irinta Kwankwasiyya, ya sanya masa a kai, ta shigeshi tsaf!

Wannan mikawa tare da karbar darikar Kwankwasiyya data faru tsakanin A Zango da Kwankwaso ta wakana ne jim kadan kafin fara gangamin yakin neman zaben Atiku Abubakar daya gudana a filin wasanni na tunawa da Sani Abacha, wanda ya samu halartar dubun dubatan magoya baya.

Idan za’a tuna Legit.ng ta ruwaito wannan mataki da Adam Zango ya dauka na komawa gidan Atiku yayi matukar baiwa jama’a mamaki, musamman wadanda suka san shi a matsayin dan gane kashenin shugaba Buhari a baya.

Sai dai dama a yan kwanakin nan a jiyo shi yana korafin yadda gwamnatin APC ke yi ma yan fim rikon sakainar kashi. Ko a ranar Laraba sai da aka hangi Zango yana watsa kamfe da abokinsa, kuma sanannen mai goyon bayan takarar Atiku Abubakar, Zaharaddeen Sani ya buga a shafinsa na kafar sadarwar zamani na Instagram, wanda hakan ke nuna ana tare.

Sai dai shima wani shahararren mawakin Kannywood, Naziru Ahmad ya mayar ma A Zango da martani, inda yayi zargin ya koma gidan Atiku ne saboda kudi, don haka yayi kira ga jaruman Kannywood dasu guji wasa da hankulan masoyansu.

Ku biyo mu a https://facebook.com/legitnghausa

ko a http://twitter.com/legitcomhausa

KU LATSA: Hanyar sauko da sabuwar manhajar jaridar Legit.com Hausa cikin sauki

Ga masu shawara ko korafi, a same mu a labaranhausa@corp.legit.com

Sanarwa na musamman: Shafin NAIJ Hausa ya koma Legit Hausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Adam A Zango Siyasar Najeriya