An gano wata makabarta da ake binne layu a Kano
- An gano wasu kaburbura a Kano inda ke binne wadansu layu da sauran abubuwa da ake kyautata zaton na tsafi ne
- Masu aiki a makabartar sun bayyana cewa sukan gano irin wadannan kaburburan ne saboda kwari da ke taruwa a wurin
- Ma'aikatan sunyi kira da gwamnati ta taimaka ta sanya musu fitilu da za su rika haska makabartar da dadare
Asali: Twitter
Ma'aikatan da ke kulawa da makabarta a jihar Kano sun gano wadansu layu da aka binne a kaburbura a wata makabarta da ke jihar.
Daya daga cikin ma'aikatan wanda ya kai kimanin shekaru 13 yana aikin hakar kabari a makabartar Tukuntawa mai suna Abu Gwadabe ya fadawa Bbc yadda suke gano layun da ake binne wa a makabartar.
DUBA WANNAN: An kashe kuku bisa zarginsa da sata a gidan gwamna Dankwambo
Ya ce, "Galibin layun da sauran abubuwan da ake binne wa a kaburburan suna dauke da wani turare wanda dabobi kamar kunama da kwari ke son qamshinsa. Hakan yasa idan muka iso makabartar da safe muka lura kwari ko kuda sun taru a wani waje, sai mu haqa wurin."
Wani ma'aikacin makabartar da ya shafe shekaru 11 yana aiki a makabartar, Uba Ibrahim ya mika rokonsa ga gwamnati da ta samar da fitilun lantarki da za su taimaka wajen aikata irin wadannan miyagun ayyukan a makabartar.
Al'umma da damu suna alaqanta irin wannan binne-binnen da ake yi a makabartu da tsibu ko tsafi domin samun wasu bukatu na duniya.
Ana samun qaruwar afkuwar irin wadannan ayyukan ne lokutan da zabuka suke qaratowa.
Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.
Latsa wannan domin samun sabuwar manhajar labarai ta Legit.ng Hausa a wayar ku ta hannu: : https://play.google.com/store/apps/details?id=com.naij.hausa&hl=en
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
