Harin ta’addanci: An kashe mutane 50 a yayin bikin maulidi

Talata, Nuwamba 20, 2018 at 9:40 Yamma daga Mudathir Ishaq 2 - tsawon mintuna

Akalla mutane hamsin ne suka rasa rayukansu a sanadiyyar harin ta’addanci a aka kai ma wasu al’umma musulmai yayin da suke gudanar da bikin maulidin tunawa da ranar haihuwar annabi Muhammadu tsira da amincin Allah su tabbata a gareshi.

Maharan sun kai wannan mummunan hari ne a garin Kabul na kasar Afghanistan a ranar Talata 20 ga watan Nuwamba wanda yayi daidai da ranar 12 ga watan Rabiul Awwal, ranar da aka haifi fiyayyen halitta Annabi Muhammad, kamar yadda tarihin Musulunci ya nuna.

KU KARANTA: Fasa taro: Shugaban APC Oshiomole ya rikirkita mahalarta bikn kaddamar da littafin Jonathan

Harin ta’addanci: An kashe mutane 50 a yayin bikin maulidi — Harin ta’addanci
Asali: Facebook

Kaakakin ma’aikatan kiwon lafiya ta kasa, Wajid Majroh ya bayyana cewa baya da adadin mutanen da suka mutu, akwai wasu mutane saba’in da biyu da suka jikkata inda suka samu munanan rauni.

Legit.com ta ruwaito maharan sun kai harin kunar bakin wake ne da nufin kashe manyan malamai da shuwagabannin al’umma da suka halarci taron wanda ya gudana a wani dakin taro dake tsakiyan garin Kabul.

Wani malami daya halarci maulidin, Muhammad Hanif ya bayyana cewa suna cikin karatun Al-Qur’ani ne kwatsam sai suka ji wani kara daya cika musu kunnuwa, daga nan sai hargitsi ya biyo baya sakamakon kowa na kokarin tserewa daga harin.

Shaidun gani da ido sun bayyana cewa sassan jikin mutane, jini, karyayyun kujeru da gilasan winduna sun mamaye dakin taron. Shugaban kasar Afghanista, Ashraf Ghani ya bayyana cewa gwamnatinsa ta shiga damuwa matuka game da harin, don haka ya sanar da jimami a duk fadin kasar gaba daya.

Shugaba Ashraf ya tabbatar ma al’ummar kasar cewa ba gwamnatinsa ba zata yafe wannan harin ta’addanci ba, kuma za tayi duk mai yiwuwa wajen ganin ta kamo duk masu hannu cikin harin.

Sai dai har yanzu babu wata kungiyar ta’addanci da ta dauki nauyin kai wannan hari, ba kamar yadda aka saba a baya ba, inda kungiyar ta’addanci ta ISIS ko ta Al-kaida ke bayyana daukan nauyin kai duk wasu hare haren da suka kai.

Ku biyo mu a https://facebook.com/legitnghausa

ko a http://twitter.com/legitcomhausa

KU LATSA: Hanyar sauko da sabuwar manhajar jaridar Legit.com Hausa cikin sauki

Ga masu shawara ko korafi, a same mu a labaranhausa@corp.legit.com

Sanarwa na musamman: Shafin NAIJ Hausa ya koma Legit Hausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Kasashen Duniya Labaran Duniya