Labarai

Ku bar garinku tun kafin mu dirar ma ku - 'Yan bindiga sun bawa jama'a a Katsina wa'adin

Alhamis, Nuwamba 01, 2018 at 8:48 Yamma daga Mudathir Ishaq 2 - tsawon mintuna

- Fiye da mutane 1,000, maza da mata, ne su ka tashi daga kauyen Damburawa tare da komawa fadar hakimin Batsari a jihar Katsina

- Kamfanin dillancin labarai na kasa (NAN) ya bayyana cewar 'yan bindigar sun kai hari kauyen amma sai jama'ar garin su ka dakile harin tare da kama biyu daga cikin maharan

- Alhaji Mansur Muaza, shugaban rikon kwarya na karamar Batsari, ne ya shaidawa manema labarai hakan a yau, Alhamis

Fiye da mutane 1,000, maza da mata, ne su ka tashi daga kauyen Damburawa tare da komawa fadar hakimin Batsari a jihar Katsina bayan samun barazana daga 'yan bindiga.

Kamfanin dillancin labarai na kasa (NAN) ya bayyana cewar 'yan bindigar sun kai hari kauyen amma sai jama'ar garin su ka dakile harin tare da kama biyu daga cikin maharan.

Alhaji Mansur Muaza, shugaban rikon kwarya na karamar Batsari, ya shaidawa manema labarai a yau, Alhamis, cewar 'yan bindigar sun aiko da takardar barazanar cewar za su dawo daukan fansa.

Ku bar garinku tun kafin mu dirar ma ku - 'Yan bindiga sun bawa jama'a a Katsina wa'adin — Gwamnan jihar Katsina, Aminu Bello Masari
Asali: Depositphotos

Muaza ya bayyana cewar karamar hukumar ce ke ciyar da mutanen tun bayan yin hijirar su daga kauyen ranar Laraba.

"Mun ankarar da jami'an tsaro abinda ke faruwa kuma tuni sun tura dakarunsu da ke sintiri a yankin da kewaye domin tabbatar da ba a samu wata matsala ba.

DUBA WANNAN: Sojoji sun gano wani haramtaccen sansanin bayar da horo a arewa

."Kazalika mun samar da wasu jami'an tsaro da ke gadin jama'ar kauyen da yanzu haka ke zaman gudun hijira a fadar hakimi," in ji Muaza.

Shugaban karamar hukumar ya bukaci 'yan gudun hijirar su kwantar da hankalinsu tare da tabbatar ma su da cewar gwamnatin jihar Katsina za ta tabbatar da tsaron lafiyar su da dukiyoyin su.

NAN ta rawaito cewar 'yan bindiga na cigaba da addabar jama'ar kananan hukumomin Safana, Batsari, da Danmusa da satar mutane domin neman kudin fansa a kullum.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=ng.legit.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Abun Bakin Ciki Gwamnan Jihar Katsina Aminu Bello Masari