Labarai

Yadda zaku yi maganin amosanin ka

Asabar, Satumba 15, 2018 at 10:35 Yamma daga Mudathir Ishaq 2 - tsawon mintuna

Amosani ciwo ne da ke sanya fatar kai bushewa tare da kaikayi. Har yanzu masu binciken kimiyya da likitoci basu gano takamamen abinda ke janyo amosani ba amma akwai wasu abubuwa da ke sanya amosanin ya karu idan ba'a kiyaye ba.

Abubuwan da ke kara yaduwarsa sun hada da

1) Rashin tsafta (2)Garkuwar jiki mara karfi (3) Damuwa mai tsanani (4) Yanayin garin (tsananin zafi ko sanyi) (5) Maikon fata (6) Yin amfani da abubuwan wanke kai da bai karbi jikin mutum ba

Alamun da mutum zai gane yana da amosani shine zai rika yawan ganin fatar kansa bushewa tana sauka masa a kafada kuma kansa zai rika masa kaikayi. Wasu lokutan amosanin yakan kai ga zuwa gira da kunuwa.

Yadda zaku yi maganin amosanin ka
Asali: Twitter

Yadda ake magance Amosani

DUBA WANNAN: Kotu ta bayar da umarni kama wasu ‘ya’yan tsohon shugaban kasa

Amosani abu ne mai wuyan magani farat daya amma ana iya daukan matakai da na samun saukinsa sosai.

1) Wanke kai da Shampoo: Yin amfani da Shampoo yakan rage dati da maiko da ke daskarewa a kan mutum hakan kuma sai sanya fatar kan mutum da kasance cikin lafiya. Da ya ke akwai Shampoo din daban-daban sai mutum ya karanta ka'idar yadda ake amfani da irin wanda ya siya.

2) Rage damuwa: Yawan damuwa yana haifar da cututuka da yawa, duk da cewa damuwa kanta bata janyo amosanin, takan gurgunta garkuwar jikin mutum kuma hakan zai rage wa jikin dan adam karfin yaki da cutar.

3) Amfani da man kwakwa: Man kwakwa na daya daga cikin ababen da ake amfani dashi wajen maganin amosanin kai saboda yana dauke da sinadaren da ke hana fatar kai bushewa karara

4) Kauracewa tsananin zafi ko sanyi: Jikin mutum musaman fatarsa tana son zama cikin yanayi na tsaki-tsaki ne, saboda haka zai mutum ya yi kokarin kiyayewa.

5) A tafi wajen Likita: Idan mutum ya kiyaye dukkan ababen da muka ambata kuma amosanin nasa baiyi sauki ba sai ya garzaya asibiti wajen likita domin a duba shi a bashi magunguna.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Kiwon Lafiya Lafiya Uwar Jiki