Dandalin Kannywood: Tsabar sha'awa ce ta sa na shiga harkar fina finai - Inji wani jarumi

- Garzali Miko yace sha'awa ce ta sa na shiga harkar fina finai

- Shi dai jarumin ya fi kwarewa a wajen fannin rawa

A kokarin mu na cigaba da kawo maku labaran da suka shafi masana'antar shirya fina-finan Hausa da ake yi wa lakani da Kannywood, yau ma gamu dake da wata fita da daya daga cikin fitattun jarumai kuma sabuwar fuska a masana'antar yayi da majiyar mu.

KU KARANTA: Soyinka yayiwa Shugaba Buhari wankin babban bargo

Jarumin dai ba boyayye bane ba ga mafiya yawa daga cikin masu sha'awa tare da bibiyar harkokin fina-finan Hausa din kuma wannan ba kowa bane ba face Garzali Miko.

Legit.ng ta samu cewa fitaccen jarumin kuma dan rawa ya bayyana cewa ya fara harkar fina-finan Hausa ne kimanin shekaru sama da goma da suka shude inda a da yake aikin bayar da haske kafin daga bisani ya kara samun matsayi a harkar.

Haka zalika jarumin ya bayyana cewa tsabar sha'awa ce kawai ta jefa shi cikin harkar shi yasa ma ya faro ta tun daga tushe watau a matsayin karami a harkar ya ya zuwa yanzu da ya soma zama fitacce kuma jarumi.

Garzali ya kuma kara da cewa akwai kalubale a harkar ta fim kamar dai sauran fannonin rayuwa da ma duk abinda dan Adam keyi wani lokaci a samu farin ciki wani lokaci kuwa a sami akasin haka.

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng