Da magani a gonar yaro: Amfani guda 7 da Fara ke yi ga jikin dan Adam

Cin Fara ba sabon abu bane a Najeriya, musamman a yankin Arewacin Najeriya, inda ko a garin Daura da Katsina ana siyar da Fara kwano kwano, kuma ga wadanda suke ci ko suka taba ci, sun tabbatar cewar yana dadi a baki, kuma yana da zaki.

Sai dai dama Hausawa na cewa da magani a gonar yaro, amma bai sani ba, wannan ya sanya Legit.ng kawo muku jerin amfanin cin fara ga jikin dan Adam, wanda aka gano bayan wani zuzzurfan bincike da masana daga jami’ar Wisconsin-Madison Nelson suka yi.

KU KARANTA: Zakaran gwajin dafi: Dalibi daga Arewacin Najeriya ya yi zarra a jarabawar JAMB

Wata mashahuriyar Malama a jami’ar, mai suna Valerie Stull ce ta jagoranci wannan bincike akan Fara, inda tace bincikensu ya nuna akwai mutane biliyan biyu a Duniya dake cin Fara, haka zalika daga cikin amfanin Fara akwai:

Samar da kwayar ‘Probotic’ dake da matukar amfani da jiki

Hana kumburin jiki

Karin jini a jikin dan Adam

Kara karfin garkuwan jiki

Kara karfin kasusuwan jikin dan Adam

Samar da kiste da dumama jikin dan Adam

Taimakawa wajen farfasa abinci a jikin dan Adam

Daga karshe Dakta Valerie ta ce a yanzu haka mutane suka na kara wayewa game da cin Fara, kuma masana sun karkata wajen bincike daban daban akan Fara don gano hanyoyin bunkasa amfaninsa.

Ku biyo mu a https://www.facebook.com/naijcomhausa

ko a http://twitter.com/naijcomhausa

KU LATSA: Hanyar sauko da sabuwar manhajar jaridar Legit.ng Hausa cikin sauki

Ga masu shawara ko korafi, a same mu a labaranhausa@corp.legit.ng

Asali: Legit.ng