Mummuke: Yan Shia’a sun bullo da wata sabuwar salon yaki da jami’an tsaro
Hukumar tsaro ta sirri, DSS, ta fallasa wata kullaliyar tuggu da mabiya addinin Shi’a dake karkashin jagorancin shugabansu Ibrahim Zakzaky, inda suka shirya hanyoyin da zasu dinga bi wajen satar jami’an tsaro tare da yin garkuwa dasu, inji rahoton Daily Nigerian.
Majiyar Legit.ng ta ruwaito shirin da yan shi’ar ke yin a fara satar jami’an tsaro baya rasa nasaba da cigaba da garkame jagoransu da gwamnatin Najeriya ke yi, tun bayan kama shi da tayi a watan Disamba na shekarar 2015.
KU KARANTA: Ahmed Musa da Shehu Abdullahi sun baiwa marayu tallafin miliyan daya da buhu 100 na shinkafa
Takardar da hukumar DSS ta fitar tace: “Mabiya Shi’a sun kammala shirin fara yin satar jami’an tsaro tare da iyalansu, tare da yin garkuwa dasu sakamakon cigaba da tsare shugabansu El-Zakzaky, a yanzu sun fara gano gidajen jami’an tsaro, wuraren aikinsu da na iyalansu.”
Idan za’a tuna ko a kwanakin baya sai da yan shia suka halaka wani jami’in Dansanda a yayin wani zanga zanga da suka yi a garin Kaduna, ranar da za’a cigaba da sauraron karar da gwamnatin jihar Kaduna ta shigar da Zakzaky.
Sai dai da majiyarmu ta tuntubi Kaakakin Shia, Ibraheem Musa, ya musanta wannan zargi na hukumar DSS, inda yace, zargi ne kawai, kuma yace ba halinsu bane, basu taba tunanin yin hakan ba.
Ku biyo mu a https://www.facebook.com/naijcomhausa
ko a http://twitter.com/naijcomhausa
KU LATSA: Hanyar sauko da sabuwar manhajar jaridar Legit.ng Hausa cikin sauki
Ga masu shawara ko korafi, a same mu a labaranhausa@corp.legit.ng
Asali: Legit.ng
