Labarai

Yayan kirki: Ahmed Musa da Shehu Abdullahi sun baiwa marayu tallafin miliyan daya da buhu 100 na shinkafa

Alhamis, Yuli 05, 2018 at 8:25 Safiya daga Mudathir Ishaq 2 - tsawon mintuna

Fitaccen dan kwallon kafar Najeriya, Ahmed Musa tare da takwaransa Shehu Abdullahi sun tabbata yayan kirki, inda a ranar Laraba, 4 ga watan Yuli suka baiwa wasu marayu yan makaranta kyautar da ba zasu taba mantawa ba.

Jami’in kafafen sadarwar zamani na hukumar Zakkah da Wakafi na jihar Sakkwato, Mukhtar Haliru Tambuwal ne ya sanar da haka, inda yace yan kwallon biyu sun kai ziyara wata makaranta dake cike da yara marayu da suka rasa iyayensu a jihohin Yobe da Born a sakamakon rikicin Boko Haram, a garin Sakkwato, UK Jarma Academy.

KU KARANTA: Muhimman abubuwa 4 da ya kamata ku sani game da sabon shugaban APC Tawariyya

Yayan kirki: Ahmed Musa da Shehu Abdullahi sun baiwa marayu tallafin miliyan daya da buhu 100 na shinkafa — Tallafi

Majiyar Legit.ng ta ruwaito a yayin wannan ziyara, yan kwallon sun kai ma daliban kyautar kayan abinci da kudi, inda Ahmed Musa ya basu kyautar naira miliyan daya da rabi, yayin da Shehu ya basu kyautar shinkafa buhu dari, taliyar Indomi kwali hamsin, da kuma Lemun Kwlaba sinki ashirin.

Wannan aiki na alheri da Ahmed Musa da Shehu Abdullahi suka yi bai tsaya nan ba, inda Shehu ya baiwa yaran kyautar kayan kwallo (Jersey) kala biyu don amfaninsu wajen motsa jiki da wasanni.

Daga cikin wadanda suka halarcin rabon wadannan kayayyaki, akwai mai gayya mai aiki, shugaban hukumar Zakkah da wakafi na jihar Sakkwato, Malam Muhama Lawal Maidoki wanda ya karbi wadannan kayayyaki, a madadin marayun, da shugaban makarantar, Jarman Sakkwato, Ummarun Kwabo.

Ku biyo mu a https://www.facebook.com/naijcomhausa

ko a http://twitter.com/naijcomhausa

KU LATSA: Hanyar sauko da sabuwar manhajar jaridar Legit.ng Hausa cikin sauki

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Sokoto