Labarai

Gagararren dan sara-suka kuma babban dillalin miyagun kwayoyi ya fada komar Yansanda a Sakkwato

Laraba, Yuli 04, 2018 at 7:23 Safiya daga Mudathir Ishaq 1 - tsawon mintuna

Rundunar Yansanan jihar Sakkwato ta samu nasarar kama wani kasurgumin dan sara suka, kuma babban dillali tabar wiwi da sauran miyagun kwayoyi mai suna Aliyu Bello wanda aka fi sani da suna Aliyu KC, inji rahoton jaridar Punch.

Kaakakin rundunar Yansandan jihar, DSP Cordelia Nwawa ta bayyana haka a ranar Talata, 3 ga watan Yuni a yayin da take nuna ma yan jaridu mutumin da suka kama, inda tace tun shekaru hudu da suka gabata Yansanda ke farautar KC.

KU KARANTA:

“Mun samu rahotanni da dama daga jama’a game da ayyuka yan sara suka a cikin garin Sakkwato, da wannan ne Yansanda suka shiga yaki da yan sara suka da yan daba, wanda hakan ya kaimu ga kama Aliyu KC tare da yarasa.” Inji ta.

Haka zalika tace akwai wani abokin gabar KC, mai suna Dahiru Abubakar Maibarewa da tace tuni suka kama shi, kuma a yanzu haka yana gidan Yari. A wani labarin kuma, Yansandan jihar sun kama wasu dillalan miyagun kwayo guda biyu, Musa Aiyu da Joseph David.

Ku biyo mu a https://www.facebook.com/naijcomhausa

ko a http://twitter.com/naijcomhausa

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Sokoto