Labarai

Gasar cin Kofin Duniya: Hotunan atisayen yan kwallon Najeriya

Talata, Yuni 26, 2018 at 4:04 Yamma daga Mudathir Ishaq 1 - tsawon mintuna

Tawagar yan kwallon Najeriya dake wakiltar kasar a gasar cin kofin Duniya dake gudana a kasar Rasha sun gudanar da atisaye a shirye shiryen karawa da kasar Ajantina a wasan rukuni na karshe, kamar yadda jaridar muryar Amurka ta ruwaito.

Majiyar Legit.ng ta ruwaito a ranar Talata, 27 ga watan Yuni ne za’a fafata tsakanin Ajantina da Najeriya a babban birnin St. Petersburg na kasar Rasha, wasan da zai baiwa Najeriya damar haurawa mataki na gaba, idan ta samu nasara akan Ajantina.

KU KARANTA: Wata sabuwa: Kalli wasu shanu dake kiwo a cikin majalisun dokokin Najeriya

Gasar cin Kofin Duniya: Hotunan atisayen yan kwallon Najeriya — Atisaye

A wasan Najeriya na farko ta samu rashin nasara a hannun Crotia, inda ta lallasa kasar Island ci biyu da babu, wanda hakan ya kai Najeriya matsayi na biyu a rukunin D da maki uku, biye da kasar Croatia mai maki shida, yayin da Ajantina ke da maki 1, Island ma maki 1.

Yan Najeriya na sa ran zasu samu nasara akan Ajantina sakamakon Ajantinan bata ci wasa ko daya ba, duk da cewa akwai manyan yan wasa a kungiyar kamar su Messi, Aguero, Higuain, Dimaria da dai sauransu.

Ku biyo mu a https://www.facebook.com/naijcomhausa

ko a http://twitter.com/naijcomhausa

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Dan Wasan Kwallon Kafa