Labarai

An kori jami’an ‘yan sanda 8 daga aiki a jihar Legas, karanta laifukan da suka aikata

Litinin, Yuni 11, 2018 at 3:37 Yamma daga Mudathir Ishaq 2 - tsawon mintuna

A kalla jami’an ‘yan sanda 8 aka kora daga bakin aiki daga watan Janairu zuwa yanzu a jihar Legas kamar yadda hukumar ta ‘yan sanda ta sanar a jihar.

Kakakin hukumar ‘yan sanda a jihar Legas, SP Chike Oti, ne ya sanar da wadannan alkaluma ga manema labarai, jiya, Lahadi.

Oti ya kara da cewa an ragewa wasu jami’ai 4 mukami yayin da aka yiwa wasu jami’ai 28 kashedi mai tsanani.

Da yake bayyana dalilan sallamar ‘yan sandan daga aiki, Oti, ya ce uku daga cikin jami’an an sallame su ne saboda fesawa wani mutum, Mista Ademuwagun Temotope Solomon, barkonon tsohuwa a garin Festac. Lamarin ya haddasawa Ademuwagun kamuwa da cutar asma.

An kori jami’an ‘yan sanda 8 daga aiki a jihar Legas, karanta laifukan da suka aikata — Kwamishinan 'yan sanda a jihar Legas, Edgal Imohimi

Ya kara da cewar, an gurfanar da jami’an; Saja biyu da Insfekta daya, kuma an same su da laifi.

Kakakin ya kara da cewa, dukkan ‘yan sandan an gurfanar da su domin tabbatar da an yi masu adalci kafin ta kai ga an kore su daga aiki ko kuma yi masu hukunci a kan saba dokar aiki.

DUBA WANNAN: Diyar marigayi Abiola ta farkewa Obasanjo laya, tayi masa wankin babban bargo

Bayan jami’ai 8 da aka kora, Oti, ya ce an ragewa wasu jami’ai 4 mukami yayin da wasu 28 aka yi masu kashedi mai tsanani sannan wasu jami’ai 3 na fuskantar horo mai tsanani.

Horon, a cewar kwamishinan ‘yan sanda na jihar Legas, Edgal Imohim, tab akin Oti y ace an yi shi ne domin jami’an su gane kuskuren su kuma su gyara.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Gwagwalada Abuja