An damke shi bayan ya yi sata a asibiti amma kofa taki budewa
- Dubun wani matashi ta cika bayan ya je sata a babban asibitin garin Kaduna
- Barawon dai ya yi shiga asibitin ne inda ya saje da masu jinyar marasa lafiya
- Daga bisani ya bari marasa lafiyan sunyi barci sai ya kwashe woyoyinsu amma bai san an kulle kofar fita ba
Wani barawo ya gamu da sakayyar Allah a yayin da ya shiga dakunan masu jinya da ke babban asibitin gwamnatin Kaduna na Yusuf Dan tsoho wanda akafi sani da asibitin dutse ya sace wa majinyata wayoyin salula.
KU KARANTA: Bayan ya biya mata kudin karatu har digiri, ta sake shi saboda wai shi bai yi makaranta ba
Matashin dai ya shiga bangaren maza na asibitin ne inda ya saje da masu jinyar marasa lafiya sai dai ashe yana da wata maufa daban. Ya yi likimo a cikin dakin har zai da ya kura cewa barci ya kwashe marasa lafiyan sai ya zaga ya kwashe wayoyinsu.
Sai dai bayan ya kama hanya zai fice sai ya tarar da cewa an kulle kofar dakin kamar yadda aka saba idan dare yayi saboda tsaro kamar yadda mujjalarmu ta ruwaito.
A dalilin hakan ne asirinsa ta tonu kuma bayan an kamashi, an mayar wa masu jinyar wayoyinsu sannan aka damka shi ga hannun jami'an tsaro da ke kula da asibitin inda zasu gudanar da bincike a kansa.
Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en
Ku biyo mu a shafukanmu na dandalin sada zumunta:
Facebook: https://facebook.com/naijcomhausa
Twitter: https://twitter.com/naijcomhausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
