Labarai

Rikicin Benuwe: An kama wani dauke da muggan makamai a jihar Benuwe

Alhamis, Mayu 03, 2018 at 10:59 Safiya daga Mudathir Ishaq 2 - tsawon mintuna

- Rundunar sojin Najeriya tace ta kama Idi Gemu a kauyen Adagu dake karamar hukumar Guma ta jihar Benue dauke da bindiga kirar AK 47

Rikicin Benuwe: An kama wani dan ta'adda dauke da muggan makamai

Rundunar sojin Najeriya tace ta kama Idi Gemu a kauyen Adagu dake karamar hukumar Guma ta jihar Benue dauke da bindiga kirar AK 47.

Shugaban rundunar Sojin, Lt. Col Suleiman Mohammed yayi hira da manema labarai a jiya. Inda yake cewa sun kama wanda ake zargin ne lokacin da suke aiki a karamar hukumar.

DUBA WANNAN: A fara hana mulkin kama karya a Najeriya, maimakon hana shan Kodin - Ben Bruce

Kamar yanda yace, rundunar ta kama makiyaya uku da ake zargi a makon da ya gabata a Tormatar a karamar hukumar Guma.

"Rundunar mu ta kama makiyaya uku a makon da ya gabata a Tormatar, bayan tsananta bincike da muka yi mun samu hanyar da muka kama shima wannan makiyayin. A kokarin da muke na ganin mun kare rayuka da dukiyoyi al'umma, kuma muna rokon jama'a da su dinga bamu hadin kai don kawo karshen ta'addancin. "

Ya bayyana cewa akwai wata kullaliyar dangantaka tsakanin mutane uku na farkon da suka kama da kuma Idi Gemun ganin cewa binciken su hakan ya nuna.

Amma a lokacin da aka tambaya waye ya dau nauyin ta'addancin sai yace "A yanzu da bazan iya ansa wannan tambayar ba."

A hirar da manema labarai sukayi da wanda ake zargi, Idi Gemu, yace shi dan asalin jihar Nasarawa ne a garin Adudu. Yazo neman tumakinshi ne da suka bace, sai kawai sojoji suka kama shi.

"Bindigar ba tawa bace, ta abokina ce da na kwana gurin shi bayan naga tumakina a gurin wasu fulani makiyaya dake zama a nan Benue. "

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Benue Shugaban Sojojin Najeriya