Shahararren tsohon dan kwallon Najeriya ya nemi hadin kan Sheikh Pantami game da ayyukan cigaba
- Kanu Nwankwo ya kai ma Sheikh Pantami, shugaban NITDA ziyara
- Dan Kwallon ya nemi hadin kan hukumar NITDA wajen ceton rayukan kananan yara
Tsohon shugaban yan wasa na kungiyar kwallon kafa ta Najeriya, Kanu Nwankwo ya jinjina ma shugaban hukumar cigaban ilimin kimiyya da fasaha, NITDA, Sheikh Isa Ali Pantami kamar yadda Legit.ng ta ruwaito.
Kanu yayi wannan jinjin ga Pantami ne a ranar Laraba 18 ga watan Afrilu a yayin wata ziyara da ya kai masa a babban ofishin NITDA dake garin Abuja, inda yace Pantami ya cancanci yabo sakamakon yadda ya sauya fasalin NITDA, ta zamo hukumar gwamnati guda daya tilo da tafi ingaci.
KU KARANTA: Yawanci matasan Najeriya basu son karatu, sun fi kaunar zaman kashe wando – Buhari daga Landan
Kanu ya nemi kulla alaka tsakanin NITDA, gidauniyarsa ta Kanu Heart Foundation dake kula da kananan yara masu ciwon zuciya, don taimaka ma ire iren yaran dake fama da wannan cuta.
A nasa jawabin, Dakta Ali Pantami ya yaba da kokarin da gidauniyar Kanu ke yi wajen jajircewar da ta nuna na ceton rayuwar kananan yara masu ciwon zuciya, ba tare da nuna bambamcin addini ko kabila ba.
“Ina matukar girmama tare da ganin duk wani mutumin dake ceton rayukan mutane da kima.” Inji Sheikh Isa Ali Pantami, shugaban hukumar cigaban ilimin kimiyya da fasaha, NITDA.
Ku biyo mu a https://www.facebook.com/naijcomhausa
ko a http://twitter.com/naijcomhausa
KU LATSA: Hanyar sauko da sabuwar manhajar jaridar Legit.ng Hausa cikin sauki
Ga masu shawara ko korafi, a same mu a labaranhausa@corp.legit.ng
Asali: Legit.ng
