Tsohon mataimakin shugaban kasa, tsohon gwamna kuma Sanata ya shiga zawarcin mukamin gwamna a Filato
Wani tsohon gwamnan jihar Bendel, wato jihohin Edo da Delta a yanzu, kuma tsohon mataimakin shugaban kasa a zamanin mulkin Soja, na marigayi janar Sani Abacha, Sanata Jeremiah Useini ya kaddamar da takararsa ta kujerar gwamnan jihr Filato
The Cables ta ruwaito Jeremiah mai shekaru 74, wanda a yanzu haka shi ne wakilin al’ummar jihar Filato ta kudu a majalisar dattawa, ma’ana Sanata ne a yanzu, ya taba zama gwamnan jihar Bendel kimanin shekaru 34 da suka gabata.
KU KARANTA:Uba ya cika wandonsa da iska bayan ya kashe ɗansa sakamakon wata yar saɓani da suka samu
Majiyar Legit.ng ta ruwaito ya bayyana aniyarsa ta taka takarar gwamnan jihar Filato ne a ranar Laraba 4 ga watan Afrilu a babban ofishin jam’iyya PDP dake Jos, da nufin gwada kwanji da gwamnan jihar, Simon Lalong mai shirin yin tazarce.
A kwanakin baya ma Sanatan ya aika ma wani dan majalisa daya fito daga jihar, Timothy Golu wasikar neman goyon baya daga gare shi, nda ya bayyana manufarsa ta tsayawa takara ita ce burin samar da dawwamammen zaman lafiya da adalci a Filato.
“Ina son dawo da zaman lafiya da adalci a Filato, ina son dawo da so da kaunar juna da aka sanmu da shi, ina son dawo da martaba da mutuncin jihar Filato a idon Duniya, Filato ta mu ce, don haka ya zama wajibi mu daukaka ta.” Inji shi.
Shugaban kwamitin yakin neman zabe na Jeremiah Useni, Dimis Mailafia yace jiharsu na bukatar kwararren hannu kuma wanda ya san makamar aiki don daurata akan turbar cigaba mai daurewa.
Da wannan zaben shekarar 2019 dake karatowa, muddin burin Jeremiah Useni ya tabbata, zai zamo gwamna mafi yawan shekaru a Najeriya, inda a lokacin shekarunsa zasu kai 75.
Ku biyo mu a https://www.facebook.com/naijcomhausa
ko a http://twitter.com/naijcomhausa
KU LATSA: Hanyar sauko da sabuwar manhajar jaridar Legit.ng Hausa cikin sauki
Ga masu shawara ko korafi, a same mu a labaranhausa@corp.legit.ng
Asali: Legit.ng
