Mallakar bindiga a kasar Amurka ya zama tamkar ruwan dare

Litinin, Maris 26, 2018 at 9:43 Safiya daga Mudathir Ishaq 2 - tsawon mintuna

- Dunbin masu zanga-zanga na cigaba da yin tururuwa a ciki da wajen biranen kasar Amurka

- Zanga-zangar da suka saka mata suna "Mu yi tattaki don kare rayukan mu"

- Matakin mallakar bindiga a kasar ta Amurka domin kare kai ya haddasa cece-ku-ce a kasar, inda da yawa suke ganin a hana mallakar bindigar ma gaba daya, sai dai kuma wasu a kasar suna ganin haramta mallakar bindigar kamar wani yunkuri na tauye hakkin dan adam

Mallakar bindiga a kasar Amurka ya zama ruwan dare

Dunbin masu zanga-zanga na cigaba da yin tururuwa a ciki da wajen biranen kasar Amurka, don tilasta gwamnatin kasar ta kara tsaurara dokar da take baiwa 'yan kasar damar mallakar bindiga cikin sauki.

DUBA WANNAN: Sojojin Saudiyya sun samu nasarar dakatar harin makamai masu linzami guda 7 na 'yan tawayen Houthi

Zanga-zangar da suka saka mata suna "Mu yi tattaki don kare rayukan mu", na zuwa ne bayan da wasu dalibai su 17 suka rasa rayukan su a Parkland dake jihar Florida ta kasar Amurka, hakan ya biyo bayan harin da wani dan bindiga ya kai makarantarsu.

Ma zauna kasar sun shirya gabatar da zanga - zangar a bisa rukunin kungiyoyi sama da 800 a ciki da wajen kasar ta Amurka, inda a yanzu haka taron zanga - zangar ya yi karfi a biranen London, Tokyo, Geneva, Edinburgh da kuma birnin Sydney.

Matakin mallakar bindiga a kasar ta Amurka domin kare kai ya haddasa cece-ku-ce a kasar, inda da yawa suke ganin a hana mallakar bindigar ma gaba daya, sai dai kuma wasu a kasar suna ganin haramta mallakar bindigar kamar wani yunkuri na tauye hakkin dan adam.

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Labaran Duniya