Shirin da Tsohon Gwamnan Kano Kwankwaso yake yi na samun kujerar Shugaban kasa

Wani Bawan Allah mai suna Amir Abdulazeez ya bayyana yadda ta kaya lokacin da su ka ziyarci tsohon Gwamnan Jihar Kano kuma Sanata yanzu Rabiu Musa Kwankwaso domin wani aiki a gidan sa a Abuja wanda aka kawata da ja da kuma fari.

Amir Abdulazeez ya lura cewa Jama'a daga ko ina a fadin kasar nan su na zuwa wajen Sanata Kwankwaso kuma wadanda su ka fi kusa da Sanatan a Birnjn Tarayya Abuja su ne Talakawan da yake tare da su da a Kano komai runtsi.

Mafi yawan masu zuwa wajen Sanatan, sun zo ne domin gaisuwa ba don a ba su wani abu ba kamar yadda ya lura. Daga cikin su akwai yaran da ba 'Ya 'yan kowa ba da aka tura karatu su ka kammala a kasar waje a lokacin yana Gwamnan Jihar Kano.

KU KARANTA: Shugaba Buhari bai tsawatawa IG ba - 'Yan Sanda

A wannan ziyarar, wannan Bawan Allah ya lura cewa Kwankwaso ya wuce kallon da ake yi masa don kuwa siyasar sa ta ratsa ko ina a Najeriya. A gidan, za ka ga motoci daga ko ina a fadin kasar nan sun domin su ga Jagoran na Kwankwasiyya.

Bayan Buhari dai da wuya a samu mutum mai farin jini irin Kwankwaso. Sai dai kuma shi rikakken 'Dan siyasa ne wanda ya san ta. Ko da wannan mutumin ya bar gidan Kwankwaso a gajiye cikin dare, da safe kurum sai ya ji Kwankwaso har ya isa Garin Fatakwal.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Asali: Legit.ng