An tsaurara matakan tsaro a Damaturu gabanin zuwan shugaba Buhari
-Jami’an tsaro sun mamaye Damaturu gabannin zuwan Shugaban kasa Muhammadu Buhari
-Rotanni sun bayyan cewa an baza jami’an tsaro rike da makamai a wurare na yankin cikin gari, yayin da wasu kuma na sintiri cikin gari da motocin yaki da Hilux
-Manyan hanyoyi na garin musamman hanyar Maiduguri inda jirgin shugaban kasa zai sauka an rufesu
Jami’an tsaro sun mamaye garin Damaturu, babban birnin jihar Yobe gabannin zuwan shugaban kasa Muhammadu Buhari jihar ta Yobe, a safiyar yau.
Majiyar jaridar Daily Trust, ta bayyana cewa an baza jami’an tsaro rike da makamai a wurare na yankin cikin garin, yayin da wasu kuma nata sintiri cikin gari da motocin yaki masu garkuwa da Hilux.
KU KARANTA: An kama wata mata a Katsina bisa zargin kashe diyar kishiyarta
Manyan hanyoyi na garin musamman hanyar Maiduguri, inda ta nan ne jirgin shugaban kasa zai sauka an rufesu. Har Shaguna da wuraren kasuwanci dake kan hanyar an rufesu.
Malam Yusuf Balube, Dan siyasa ne, yayi korafin cewa hana mutane zuwa tarbar shugaban kasar zai bata masa suna a bangaren siyasa. "Kana gani hanyoyi duk an kaurace masu, mutane basu fito ba saboda yawan matakan tsaro," inji shi.
Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en
Ku biyo mu a shafukanmu na dandalin sada zumunta:
Facebook: https://facebook.com/naijcomhausa
Twitter: https://twitter.com/naijcomhausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
