Labarai

Ana fama da wahalar ruwan sha a Sokoto a lokacin rani

Litinin, Maris 12, 2018 at 1:39 Yamma daga Muhammad Malumfashi 2 - tsawon mintuna

- Ruwa ya zama wani kayan gabas a wannan lokaci a Garin Sokoto

- ‘Yan Ga-ruwa shar don kuwa abubuwa ta gyaru masu a halin yanzu

- Ana ganin sauyin yanayi musamman a wannan lokaci ma na rani

Labari ya zo mana daga Jaridar Daily Trust cewa wahalar ruwan sha ya tasa jama’a a gaba a Jihar Sokoto inda yanzu sai bayin Allah sun yi doguwar tafiya kafin su samu abin da za su yi aiki da shi.

Wahalar ruwa ya tasa jama’a a gaba a Sokoto

Rahoto ya zo mana cewa mutane su kan yi tafiya ta tsawon kilomita da dama domin samun ruwan da za su yi amfani da shi a gida. Masu ruwa dai shar a wajen su yanzu inda ake saida gorar ruwa har kan N50 a maimakon N20.

KU KARANTA: 'Yan Sandan da ke gadin Shugaban kasa sun yi zanga-zanga

Mutanen Gari sun koka da yadda su ke sayan ruwa har a kan N500 a rana. Masu hali kuwa na sayen tankin ruwa ne na lita 10, 000 a kan N6, 000. Wasu masu abin hannun kuwa su kan gina rijiyar burtsatsi na zamani a Garin.

Kwamishinan harkokin ruwa na Jihar Muhammad Arzika Tureta ya bayyana cewa ruwan dam din Goronyo ne yayi kasa wanda shi ke ba Jihar ruwa. Yanzu dai an fara ganin sauyin yanayi ne a kusan Duniyar baki daya.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Asali: Legit.ng

Authors:

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng

Tags:

Jihar Sokoto