Labarai

Rikicin da su ka ratsa Majalisa a wannan shekarar

Lahadi, Disamba 31, 2017 at 2:13 Yamma daga Muhammad Malumfashi 2 - tsawon mintuna

- Mun kawo manyan abubuwan da su ka auku a Majalisa bana

- Daga ciki akwai rikicin Bukola Saraki da Hukumar kwastam

- Bayan nan kuma an tsige Sanata Ali Ndume daga kujerar sa

- An kuma yi ta fama wajen amincewa da kasafin kudin bana

Yayin da shekarar 2017 ta kare mun kawo wasu manyan abubuwan da su ka faru a Majalisar Dattawan Najeriya a shekarar. A bana Majalisar tayi kaurin suna wajen abubuwa da dama daga ciki har da amincewa da wasu kudirorin da su ka dade a gaban ta.

Rikicin da su ka ratsa Majalisa a wannan shekarar — Majalisar Dattawan Najeriya a wani zama kwanaki

Kadan daga cikin wadannan abubuwa kamar yadda Jaridar Daily Trust ta kawo sun hada da:

1. Tsige Ndume da kuma nada Lawan

A farkon shekarar nan ne aka tsige Sanatan kudancin Borno Ali Ndume daga matsayin sa na Shugaban masu rinjaye a Majalisar aka maye gurbin sa da Sanata Ahmad Lawan na Arewacin Jihar Yobe.

KU KARANTA: An sauyawa wasu manyan Sakatarorin Tarayya ma'aikatu

2. Tantance Shugaban EFCC Ibrahim

Majalisar Dattawan Kasar ta ki amicewa da Ibrahim Magu a matsayin Shugaban Hukumar EFCC karo na biyu a wannan shekarar wanda hakan yake kan jawo magana har gobe.

3. Rikicin Shugaban Majalisa da Kwastam

An samu takaddama da Jami’an Hukumar Kwastam wajen shigo da wasu motoci da aka yi tunani na Shugaban Majalisar Dattawa Bukola Saraki ne saboda rashin bin dokokin kasa.

4. Takaddamar Dino Melaye da Sahara Reporters

Jaridar Sahara Reporters tayi ikirarin cewa Sanatan Yammacin Kogi Dino Melaye bai kammala Jami’ar Ahmadu Bello ta Zariya ba wanda hakan ya sa sai da Jami’ar ta fito ta kare tsohon Dalibin na ta.

5. Zargin ‘Yan Sanda daga Sanata Misau

Sanata Isa Hamma Misau wanda yake Wakiltar Jihar Bauchi ya zargi Sufeta Janar na ‘Yan Sanda Ibrahim K. Idris da laifuffuka da dama wanda ya sa har maganar ta kai Kotu.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Asali: Legit.ng

Authors:

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng