Labarai

Rundunar sojin Najeriya zata kafa sansanin horaswa a dajin Falgore

Asabar, Nuwamba 25, 2017 at 9:27 Safiya daga Mudathir Ishaq 1 - tsawon mintuna

Hafsan hafsoshi kuma Shugaban rundunar dakarun tsaron Najeriya Laftanal Janar Tukur Buratai a ranar Juma'a ya bayyana aniyar rundunar na kafa wani sansanin horas da dakarun sojin a cikin dajin Falgore dake a cikin karamar hukumar Doguwa, jihar Kano don shawo kan tabarbarewar tsaro a yankin.

Tukur Buratai ya bayyana hakan ne a yayin da kai wata ziyarar ba zata zuwa ga dakarun sojin dake daukar horo a dajin da a da yake zaman mafaka da kuma wurin buyar masu aikata laifuffuka.

Rundunar sojin Najeriya zata kafa sansanin horaswa a dajin Falgore

KU KARANTA: Dalibi dan aji 3 a jami'a ya kashe kansa a Bauchi

Legit.ng ta samu dai cewa daga nan ne ma sai Buratai din ya bayar da tabbacin cewar tuni aka yi nisa wajen shire-shiren mayar da dajin sansanin horon ga sojojin Najeriya.

Ya kara da cewa tuni dai gwamnatin ta jihar Kano ta bayar da filin dajin ga hukumar ta tsaron kasar domin aiwatar da hakan. Daga karshe kuma sai ya kara karfafawa sojojin gwiwa.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da

Kuma Tuwita: http://twitter.com/naijcomhausa

KU LATSA: Sabuwar hanyar karanta labarain Legit.ng HAUSA

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng