Labarai

Dandalin Kannywood: Fati Muhammad ta shiga siyasa tsundum

Talata, Oktoba 03, 2017 at 8:31 Yamma daga Mudathir Ishaq 1 - tsawon mintuna

Shahararriya, fitacciya kuma tsohuwar jarumar fina-finan Hausa na masana'antar Kannywood watau Fati Muhammad fa ta shiga harkokin siyasa tsundum yayin da yanzu aka soma kada gangar siyasar zabuka masu zuwa na 2019.

Yanzu haka dai jarumar kamar yadda muka samu labari daga majiyar mu ita ce ke matsayin Daraktar mata ta wata gidauniyar tallafawa al'umma karkashin kulawar tsohon mataimakin shugaban kasa Atiku Abubakar reshen arewa maso yamma.

Dandalin Kannywood: Fati Muhammad ta shiga siyasa tsundum

KU KARANTA: Yan fim suma 'ya'ya ne kamar kowa - Saima Muhammad

Legit.ng dai ta samu cewa kafin ta samu wannan karin matsayin Fati Muhammad a da ita ce Daraktar mata na gudauniyar amma reshen jihar Kaduna kadai.

Yanzu dai jihohin da tsohuwar jarumar za ta jagoranta sun hada da Kano, Kaduna, Katsina, Kebbi, Sokoto, Jigawa da Zamfara.

Gidauniyar ta Atiku an kafa ta ne kacokan don ta rika tallafawa marasa karfi, wadanda suka hada da talakawa, marayu, yan gudun hijira da sauransu.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da Kuma Tuwita: http://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Dandalin Kannywood Kannywood