Labarai

Mawakan Duniya 3 da su ka fi kowa samun kudi a bana

Talata, Oktoba 03, 2017 at 7:33 Safiya daga Muhammad Malumfashi 2 - tsawon mintuna

– Mun kawo jerin Mawakan da su ka fi kowa hada kudi a Duniya

– Jerin na dauke da kudin da ‘Yan wasan su ka samu ne a bana

– A wannan shekarar babu wanda ya samu kudi irin P-Diddy

Idan kun a tare da mu kamar yadda aka saba a kowace shekarar Mujallar nan ta Forbes kan fito da sunayen wadanda su ka fi kowa samun kudi a kowace shekara. A bana dai shararren Mawakin nan P-Diddy ne a gaba yayin da irin su Dr. Dre su ka ja baya.

Mawakan Duniya 3 da su ka fi kowa samun kudi a bana — Fitaccen Mawakin nan P Diddy ya sha kwana a bana

1. P-Diddy

Sean Combs ko kuma kace Puf Diddy kamar yadda aka san shi ya fi kowa samun kudi cikin Mawakan Duniya a shekarar nan da akalla Dala Miliyan $130.

KU KARANTA: Tsohon Dan wasan Najeriya ya bar tarihi a Ingila

2. Drake

Wanda ya zo na biyu a sahun dai shi ne Mawakin nan Drake ‘Dan asalin Kasar Kanada wanda a bana ya kece raini kwarai da gaske inda ya hada kusa da Dala Miliyan $100.

3. Jay – Z

Daga nan kuma sai Babban Mawakin nan Jay-Z wanda a bana ya samu sama da Dala Miliyan $40 Inji Mujallar Forbes.

Irin su Kendrick Lamar dai ba su cikin sahu na 5 din farko ko da ya samu abin da ya kai Dala Miliyan 30 a bana. Fitattun Mawaka irin su Nicki Minaj, Lil –Wayne da DJ Khalid dai su na cikin sahun Mawaka 20 da su ka samu kudi a shekarar ta 2017.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Asali: Legit.ng

Authors:

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng