Kamfanin Kannywood ta shirya sakin manyan fina-finai guda 7 da karamar Sallah
- Manyan masu shirya fina-finai a masana’antar shirya fina finai ta Kannywood sun shirya fito da fina-finai guda bakwai
- Fim din da za'a fitar sun hada da Rariya, Mansoor, Kanwar Duba rudu, Abu Hassan, Bintoto, Sultana da kuma Munaqisa
Manyan masu shirya fina-finai a masana’antar shirya fina finai ta Kannywood sun shirya fito da wasu daga cikin manyan fina-finan da aka dade ana tsumayi a lokacin shagulgulan sallah karama.
Rahama Sadau za ta fitar da fim din ta mai suna Rariya wanda Yasin Auwal ya bada umarni a ranar 26 ga watan nan.
Fim din Ali Nuhu Mansoor shi ma ana tsammanin zai fito a daidai lokacin da ake bukukuwan Sallar, haka zalika na Abubakar Mai Shadda Kanwar Duba rudu, wanda Ali Nuhu da Rahama Sadau suka fito a matsayin ya da kanwa.
KU KARANTA KUMA: Bai kamata shugaban kasa ya nada shugaban hukumar zabe ba - JegaBai kamata shugaban kasa ya nada shugaban hukumar zabe ba - Jega
Sai kuma fin din Zaharaddeen Sani Abu Hassan wanda ya bada labarin tabargazar da wata kungiyar ta’addanci ta yi a gari kafin a karshe sojoji su murkushe ta.
Sauran da ake tsammani za su fito a lokacin sun hada da Bintoto, Sultana da Munaqisa
An dai dakatar da fitowar fina finan saboda zagayowar watan Ramadan.
Wannan shi ne karon farko a masana’antar da za a haska manyan fina finai irin wadannan a lokaci daya a sinima.
Ku biyo mu a shafukanmu na dandalin sada zumunta:
Facebook: https://facebook.com/naijcomhausa
Twitter: https://twitter.com/naijcomhausa
Kalli wannan bidiyo na Legit.ng TV: Tsakanin maza da mata wa ya fi karya?
Asali: Legit.ng
