Labarai

HOTO: Atiku, IBB na cikin ganawa

Talata, Faburairu 14, 2017 at 3:26 Yamma daga Aisha Musa 1 - tsawon mintuna

An saki wani hoton game da tsohon mataimakin shugaban kasa, Atiku Abubakar a lokacin ganawa da tsohon shugaban kasa mulkin soja, Ibrahim Badamosi Babangida (IBB)

Jaridar Leadership ta ruwaito cewa ganawar ta biyo bayan ziyarar da Atiku ya kai wa IBB a gidansa dake Hilltop Minna, babban birnin jihar Niger a ranar Talata, 14 ga watan Fabrairu.

Ana ta rade-radin cewa Atiku Abubakar, wanda ya zauna matsayin mataimakin shugaban kasa a karkashin gwamnatin Obasanjo, na da kudirin tsayawa takarar zabe a 2019.

Yayinda ba’a san cikakken abunda taron tsakanin mutanen biyu ya kunsa ba, wasu masana harkan siyasa sun ce taron na iya nasaba da rade-radin kudin Atiku na tsayawa takarar shugabanci a 2019.

Ku tuna cewa a watan Nuwamba 2016 wata kungiya mai suna Coalition Democracy ta yarda da tsayawar Atiku Abubakar takarar shugabanci a 2019 kan cewa dan siyasan dana abunda ya cancanta don kara inganta Najeriya.

Asali: Legit.ng

Authors:

Aisha Musa (Hausa writer) Aisha Musa 'yar jarida ce wacce ta kwashe shekaru biyar tana aikin gogewa a harkar yada labarai. Ta kammala karatun ta a Jami'ar Ibrahim Badamasi Babangida (IBB Lapai) a shekarar 2014 tare da digirin farko a fannin Tarihi. Aisha Editan Hausa ce wacce ke amfani da kwarewa da kwazonta don karfafawa wasu gwiwar yin aiki tukuru don cimma nasara. Ta karbi lambar yabo na gwarzuwar shekarar 2021 a bangaren Hausa na Legit. Za ku iya aika mata sakonnin imel ta adireshinta aisha.musa@corp.legit.ng