Labarai

Buhari, Saraki na cikin wani ganawar sirri a Aso Rock

Jummaʼa, Disamba 30, 2016 at 1:38 Yamma daga Aisha Musa 1 - tsawon mintuna

Rahotanni sun ce a yanzu haka shugaban kasa Muhammadu Buhari na cikin wani ganawar sirri tare da shugaban majalisar dattawa Bukola Saraki.

Buhari, Saraki cikin wani ganawar sirri a Aso Rock

A cewar jaridar Daily Trust, ana gudanar da ganawar ne a fadar shugaban kasa a Aso Rock, Abuja kuma ya fara ne da karfe 12.00 na rana lokacin da shugaban majalisar dattawan ya iso.

KU KARANTA KUMA: Karda ka barmu mu mutu a karkashin Buhari – MASSOB ga Donald Trump

An bayyana cewa Saraki bai zanta da manema labarai ba kamar yadda kai tsaye ya wuce ofishin shugaban kasa don ganawar.

Har yanzu ba’a sanar da cikakken bayani game da taron ba amma ana hasashen cewa ba zai rasa alaka da matsalolin da kasar ke fuskanta a yanzu ba da kuma sauran muhimman al’amuran kasar.

Asali: Legit.ng

Authors:

Aisha Musa (Hausa writer) Aisha Musa 'yar jarida ce wacce ta kwashe shekaru biyar tana aikin gogewa a harkar yada labarai. Ta kammala karatun ta a Jami'ar Ibrahim Badamasi Babangida (IBB Lapai) a shekarar 2014 tare da digirin farko a fannin Tarihi. Aisha Editan Hausa ce wacce ke amfani da kwarewa da kwazonta don karfafawa wasu gwiwar yin aiki tukuru don cimma nasara. Ta karbi lambar yabo na gwarzuwar shekarar 2021 a bangaren Hausa na Legit. Za ku iya aika mata sakonnin imel ta adireshinta aisha.musa@corp.legit.ng

Tags:

Muhammadu Buhari