Ronaldo ya siya motar naira miliyan 37 (Hotuna)
Kasantuwar harkar buga wasan kwallon kafa hark ace dake kawo makudan kudade, wannan ke sanya yan kwallo, musamman shahararru a cikinsu yin sharholiyarsu ta hanyar siyan motoci masu tsada da siyan gidajen alfarma masu cike da kawa da ado.
![Ronaldo ya siya motar naira miliyan 37 (Hotuna) Ronaldo ya siya motar naira miliyan 37 (Hotuna)](https://cdn.legit.ng/images/1120/vllkyt1rsg2kh0rtgo.jpeg?v=1)
Kwatankwacin haka ne Cristiano Ronaldo yayi, inda ya siya wata gawurtacciyar motar hawa da kudinta ya kai naira miliyan 37 don nuna farin cikinsa da shekarar 2016, wanda a cikin ta ne ya samu nasarori da dama.
KU KARANTA:Tsohon dan wasan kwallon kafa na Afirka ya samu sarautar gargajiya
![Ronaldo ya siya motar naira miliyan 37 (Hotuna) Ronaldo ya siya motar naira miliyan 37 (Hotuna)](https://cdn.legit.ng/images/1120/vllkyt50o7c93daus.jpeg?v=1)
A wannan shekarar ne Ronaldo ya lashe kofin zakarun nahiyar Turai, kofi na musamman na gwanayen nahiyar Turai, kofin kungiyoyin kwallon duniya, sa’annan ya lashe kyautan zakaran kwallon kafa a karo na 4, da wannan ne shi kansa Ronaldo yake ganin bai taba samun nasarori a kwallo ba fiye da yadda ya samu a bana.
![Ronaldo ya siya motar naira miliyan 37 (Hotuna) Ronaldo ya siya motar naira miliyan 37 (Hotuna)](https://cdn.legit.ng/images/1120/vllkyt11nqp4svsfn8.jpeg?v=1)
A yanzu dai Ronaldo ya samu hutun Kirismeti daga kungiyarsa ta Real Madrid kafin su fara atisaye a ranar Laraba, hakan ya sanya dan wasan daura hotunan sabuwar motar tasa kirar Marsandi AMG GLE da farashinta ya kai €115,000 a shafinsa na Instagram, kimanin N37m.
Asali: Legit.ng