Messi, Lewandowski, Benzema a matsayin manyan gwarazan ‘Yan kwallon Duniya a 2021

• A ranar Litinin, 29 ga watan Nuwamba, 2021, aka bada kyautar Ballon d’Or na shekar nan ta 2021
• Wannan karo ma Lionel Messi ya sake yin zarra, ya lashe Ballon d’Or a karo na bakwai a rayuwarsa

Legit.ng Hausa ta bibiyi wannan biki yayin da aka bada kyaututtuka na musamman ga ‘yan kwallon kafa da kungiyar da suka yi fice a shekarar ta 2021.

Four Four Two tace yayin da Lionel Messi ya zama gwarzo, manyan ‘yan wasan gaban nan; Robert Lewandowski da Karim Benzema su na binsa a baya.

‘Dan wasan tsakiyan kasar Italiya da kungiyar Chelsea, Jorginho shi ne wanda ya zo na uku.

Jaridar tace babu ‘dan wasan Ingila a sahun goma na farko. Raheem Sterling shi ne ya zo na 15, Mason Mount na 19, Harry Kane na 23 sai Phil Foden a 25.

Kara karanta wannan

FG ta zargi ESN da yanka wasu ‘yan sanda tare da yada bidiyon gawarwakinsu a intanet

N'golo Kante, Kevin De Bruyne, Mohamed Salah da Cristiano Ronaldo su na cikin ‘yan wasan kungiyoyin kasar Ingila da suka shiga rukunin goman farko.

PSG ta na da mutane uku a sahun farko Lionel Messi, Kylian Mbappe da Gianluigi Donnarumma.

Jerin sahun farko

1. Lionel Messi (PSG)

2. Robert Lewandowski (Bayern Munich)

3. Jorginho (Chelsea)

4. Karim Benzema (Real Madrid)

5. N'golo Kante (Chelsea)

6. Cristiano Ronaldo (Manchester United)

7. Mohamed Salah (Liverpool)

8. Kevin De Bruyne (Man City)

9. Kylian Mbappe (PSG)

10. Gianluigi Donnarumma (PSG)

Sauran ‘yan wasan da suka yi tashe a bana

11. Erling Haaland

12. Romelu Lukaku

13. Giorgio Chiellini

14. Leonardo Bonucci

15. Raheem Sterling

16. Neymar

17. Luis Suarez

18. Simon Kjaer

19. Mason Mount

20. Riyad Mahrez

Goal.com tace ragowar ‘yan wasan da suka cike mutum 30 su ne: Bruno Fernandes, Lautaro Martinez, Harry Kane, Pedri, Phil Foden. Sai Nicolo Barella, Ruben Dias, Gerard Moreno, Luka Modric da Cesar Azpilicueta.

Kara karanta wannan

Farashin man fetur: Kasashen Afrika 10 da suka fi Najeriya tsadar man fetur

Asali: Legit.ng