Minista Pantami Ya Lashe Lambar Yabon Kirkire-Kirkire na Ilmin Zamani

Minista Pantami Ya Lashe Lambar Yabon Kirkire-Kirkire na Ilmin Zamani

  • Yau kamar kullum, Minista Farfesa Isa Ali Pantami ya samu lambar karramawa daga wajen Shugaba Buhari
  • An karrama babban malamin Addinin kuma masanin ilimin zamani da lambar yabon ilmin cigaban zamani
  • Shugaba Buhari ya ce sam bai yi zaben tumun-dare ba yayinda ya baiwa Malam Isa Ali Pantami mukami a gwamnatinsa

Ministan Sadarwa da Tattalin arzikin zamani, Farfesa Isa Ali Ibrahim Pantami ya lashe lambar yabon kirkire-kirkire na ilmin zamani da gwamnatin tarayyar Najeriya tayi.

Shugaba Buhari ya gabatar masa da lambar yabon ne ranar Juma'a, 21 ga watan Oktoba, 2022 a taron karrama ma'aikatan gwamnati da suke nuna jajircewa.

Taron ya gudana ne a fadar shugaban kasa dake Aso Rock Villa, Abuja.

Buhari Pantami
Minista Pantami Ya Lashe Lambar Yabo Kirkire-Kirkire na Ilmin Zamani Hoto: @BUhariSallau1, @FMoCDENigeria
Asali: Twitter

Ministan da kansa ya bayyana hakan a bidiyon da ya daura a shafinsa na Tuwita inda ya karbi lambar yabon.

Kara karanta wannan

Pantami, Wike, Jonathan: Hotunan Mutum 44 Da Shugaba Buhari Ya Karrama Yau

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

A ranar Laraba, Shugaba Muhammadu Buhari ya taya Ministan Sadarwa da tattalin arzikin zamani, Farfesa Isa Ali Ibrahim Pantami, murnar cika shekaru hamsin cir a duniya.

Buhari ya bayyana cewa Malam Pantami na daya daga cikin ma'aikata mafi kwazo, jajircewa da amfani a gwamnatinsa.

A jawabin da mai magana da yawun shugaban kasa Malam Garba Shehu ya fitar, Buhari ce zaben Pantami na daya daga cikin shawari mafi amfani da yayi a rayuwarsa, rahoton TheNation.

Farfesa Isa Pantami zai cika shekaru 50 da haihuwa a ranar Alhamis, 20 ga watan Oktoba, 2022.

An Ware Sheikh Isa Pantami Shi Kadai, An ba shi Kyautar Kasar Waje a Birnin Dubai

A baya mun kawo muku cewa Ministan sadarwa da tattalin arzikin zamani na Najeriya, Isa Ali Ibrahim Pantami ya samu lambar yabo saboda kokarin da yake yi a ofis.

Kara karanta wannan

Yanzu Haka: Buhari Ya Karrama Jonathan, Wike Da Wasu Mutum 42 Da Lambar Yabo

Kamar yadda ya bayyana a Twitter a ranar Talata, 11 ga watan Oktoba 2022, Mai girma Ministan ya tashi da kyautar DWTC a Dubai a kasar UAE.

An ba Farfesa Isa Ali Ibrahim Pantami wannan lambar yabo ne la’akari da ayyukan da yake yi wa Najeriya tun da ya zama Ministan sadarwa a 2019.

Jaridar Science Nigeria tace an karrama Isa Pantami bayan ya gabatar da jawabinsa a game da yadda za a tafi da kowa a harkar sadarwa na zamani.

Pantami ya yi jawabin ne a taron GITEX wanda ake yi yanzu haka a dunkullaliyar kasar Larabawa.

Asali: Legit.ng

Online view pixel