Kotun Daukaka Kara Ta Wanke Nnamdi Kanu, Ta Yi Watsi da Karar Gwamnati

• Shugaban kungiyar rajin kafa kasar Biafra, Nnamdi Kanu ya samu nasara kan gwamnatin tarayya
• Kotun daukaka kara dake zamanta a Abuja ta yi watsi da zargin ta'addanci da gwamnatin tarayya keyi masa
• Kotun Ta Umurci Gwamnati Ta Sake Shi saboda an saba doka wajen daukoshi da akayi daga Kenya

Abuja - Kotun daukaka kara dake zamanta a Abuja ta yi watsi da zargin ta'addanci da gwamnatin tarayya keyi kan shugaban kungiyar rajin kafa kasar Biafra, Nnamdi Kanu.

Alkalan kotun a ranar Alhamis su uku su kara da cewa dauko Nnamdi Kanu da gwamnati tayi daga kasar Kenya ya sabawa doka.

Lauyan Kanu, Ifeanyi Ejiofor, a jawabin da ya fitar a shafinsa na Tuwita ya bayyana cewa:

"Kotu tace ba daidai bane dauko Mazi Nnamdi Kanu daga Kenya. Kotu tace hakan ya sabawa dokokin duniya kuma babu wani gamsasshen hujjan yin hakan ko da ko a Najeriya ne."

Kara karanta wannan

Yanzu-Yanzu: Kotun Daukaka Kara Ta Sallami Shugaban IPOB, Nnamdi Kanu, Ta Kallubalanci Hukuncin Babban Kotu

"An amince mu daukaka kara, an wanke Onyendu Mazi Nnamdi Kanu. Mun yi nasara."

Asali: Legit.ng