Wutar Lantarki Ta Dauke A Najeriya Gaba Daya Da Safiyar Nan, 0 Megawatt
1 - tsawon mintuna
Injinan Wutan lantarkin Najeriya sun durkushe zuwa 0Megawatt kaf misalin karfe 10:51 na safiyar Litnin, 26 ga watan Satumba, 2022, rahoton Daily Trust.
Hakan ya sabbaba rashin lantarkin da ake fama da shi a fadin Najeriya.
A bisa bayanan da aka samu, tashar raba wutan lantarkin TCN Afam IV kadai ke aiki amma babu wuta ko daya.
Asali: Twitter
Kamfanonin raba lantarki (DisCos) sun sanar da kwastamominsu bisa aukuwar wannan lamari.
Misalin jami'in yada labaran kamfanin lantarkin Enugu EEDC yace a fadin tarayya ake fama da matsalar rashin wutan.
DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka
A cewarsa:
"Kamfanin raba wutar lantarkin Enugu (EEDC) na sanar da kwastamominta cewa lalacewar wutan da ya auku misalin karfe 10:51 na safiyar yau, 26 ga Satumba, 2022, ya yi sanadiyar dauke wutan da ake fama da shi a fadin tarayya."
Hakazalika kamfanin wutan Benin BEDC ya sanar da mazauna yankin Edo, Delta, Ekiti, Ondo da kewaye.
Asali: Legit.ng
Authors:
