Shahrarriyar yar jarida, Kadaria Ahmed, ta shiga harkar fina-finan Nollywood
- Da alamun Kadaria Ahmed zata koma harkar fim don cin abinci yayinda ta bayyana shiga Nollywood
- Kadaria ta kasance mace yar jaridar da tafi shahara a cikin mata yan jaridan Najeriya
- Ta shahara da shirya muhawara da tattaunawa da yan takaran kujeran shugaban kasa yayinda ake shirin zabe
Shahrarriyar yar jaridar Najeriya, Kadaria Ahmed ta shiga duniyar kamfanin fina-finan Nollywood.
Kadaria Ahmed, yar asalin jihar Zamfara ta sanar da shigarta wani Fim na Nollywood a shafinta na Facebook.
Hakazalika ta saki hotunan Fim din da zata fito tare da jaruma Rahama Sadau.
Kalli wasu daga cikin hotunan da ta saki:
Asali: Facebook
Asali: Facebook
Kadaria Ahmad ta shahara da shirya muhawara da tattaunawa da yan takaran kujeran shugaban kasa yayinda ake shirin zabe.
A 2011, ta jagoranci muhawarar yan takara tsakanin Shugaba Muhammadu Buhari na CPC, Malam Ibrahim Shekarau na ANPP da Malam Nuhu Ribadu na ACN.
A 2019, ta sake shirya tattauna da dukkan yan takaran tare da mataimakansu a shirin 'The Interview' da gidanniyar McAuthur ta dau nauyi a tashar talabijin na NTA.
Asali: Legit.ng
