Balatoli yayi fada a gidan rawa a lokacin hutunsa

-An yi fada da Mario Balatoli a wani gidan rawa a bakin teku a Brescia, Italy

-Dan wasan na Italy ya koma Liverpool bayan da an ba da aronsa ga AC Milan

-Dan wasan gaban bai ji ciwo ba yayin da wani mutum ya rasa yantsunsa guda 3

-‘yan sanda na shirin kiran dan wasan don jin bayanin abin da ya faru.

Dan wasan gaba Mario Balatolli ya sa kansa a rigima bayan da ta tabbata cewa an yi wani fada da shi  a kofar wani gidan a Italy. Ta kuma tabbata cewa a yayin fadar wani mutum ya rasa ‘yan yatsunsa guda uku a wani bakin teku da ke Brescia.

Fadan ya faru ne a dalilin wasu kalamai da aka ce an yi kan dan wasan wanda suka harzuka dan uwansa Enoch. Wata jaridar Italy mai suna daily Corriere della Seta ta rawaito cewa ba a san wanda ya ta da hatsaniyar ba, kuma za’a iya cewa ga irin rawar da dan kwallon ya taka a fadar ba.

LURA: Za ku iya samun labarai da dumi-duminsu a manhajjar Legit.ng sport

Wasu sun ce an ga dan wasa Balatolli na daukar hoto da wasu samari, wasu kuma sun ce da su a ka soma fadan, wanda daga  baya Balatollin ya shiga.

Dan wasan dai yana hutu ne a wurin shakatawa na Brescia kwanaki kafin tsohon kulop din sa ya bayar da sanarwar cewa ba za su rike shi a kakar wasannin da za’a shiga ba, ana sa rai Balatollin zai yi atisaye da Liverpool kafin kakar wasannin idan ba’a sayar da shi ba kafin nan.

Asali: Legit.ng