Labarai

Yanzu-yanzu: Ba za'a tsige Uche Secondus daga jagorancin PDP ba, Shugabannin jam'iyya

Talata, Agusta 10, 2021 at 5:26 Yamma daga Abdul Rahman Rashid 1 - tsawon mintuna

Jam'iyyar hamayya ta Peoples Democratic Party (PDP) ta ce ba za'a tsige Prince Uche Secondus daga kujerarsa ba amma za'a gaggauta gudanar da taron gangami a Oktoba.

Asali an shirya gudanar da taron gangamin ne a Disamba, karshen shekara.

Gwamna Aminu Waziri Tambuwal na jihar Sokoto kuma shugaban kungiyar gwamnonin PDP ne yayi sanarwar ranar Talata bayan ganawar sirri da masu ruwa da tsaki suka gudanar a Abuja.

A tsokacin da Tambuwal yayi kan barakar dake cikin jam'iyyar, ya ce mambobi sun yarda a hada kai da juna.

Yace:

"Muna farin cikin sanar da cewa mun tattauna dukkan matsaloli kuma mun yanke shawaran cigaba da aiki matsayin 'yan uwa."

Yanzu-yanzu: Ba za'a tsige Uche Secondus daga jagorancin PDP ba, Shugabannin jam'iyya
Asali: Original

Asali: Legit.ng

Authors:

Abdul Rahman Rashid Rashidah Abdul Rahman 'yar jarida ce kuma dalibar ilimi wacce ta kwashe shekaru kimanin hudu yanzu tare da shararriyar jarida Legit. Ta samu gogewa a ɓangaren rubutun labarai akan fannoni shatta, wanda suka hada da siyasa, kasuwanci, wasanni, nishadi, dss. Zaku tuntubarta a akwatin email: abdulrahman.rashidah@corp.legit.ng