Wasu na bakin cikin ganin Buhari a raye yana magana, Garba Shehu

Wasu na bakin cikin ganin Buhari a raye yana magana, Garba Shehu

- Garba Shehu hadimin Buhari akan harkokin watsa labarai,yace rashin fahimtane kawai ya sanya yan Nijeriya suke ganin gazawar shugabansu

-Ya ce rashin tofa albarkacin baki akan wasu al'amura ba shi ke nuna bai san abinda yake ba

Babban hadimi na musamman ga shugaban kasa kan harkokin yada labarai, Garba Shehu, a ranar Litinin, ya ce wasu mutane sun yi bakin cikin ganin Shugaba Muhammadu Buhari yana ‘rayuwa ta hakika’ a cikin hira da aka yi dashi a karshen makon da ya gabata.

Shehu ya fadi haka ne a shirin gidan talabijin na NTA mai taken ‘Good Morning Nigeria’.

A makon da ya gabata ne Buhari ya gabatar da hirar da aka yi da shi a gidajen talabijin na Arise TV da NTA.

Shugaban ya kuma ziyarci Jihar Legas a ranar Alhamis din da ta gabata inda ya bude wasu ayyuka.

Ya kuma gabatar da Jawabin Ranar Dimokradiyya a ranar 12 ga Yuni.

Wasu na bakin cikin ganin Buhari a raye yana magana, Garba Shehu
Wasu na bakin cikin ganin Buhari a raye yana magana, Garba Shehu Hoto: ChannelsTV
Asali: Facebook

Lokacin da aka tambaye shi ko tambayoyin shugaban da jawaban da ya yi a makon da ya gabata sun kawar da shakkun ’yan Najeriya kan ko shugaban yana lura da abubuwan dake faruwa ko a’a, Shehu yace,“ Haka ne, ya kasance koda yaushe (yana cikin iko) amma an samu rashin fahimta da farfaganda.

“Ta hanyar salon sa, Shugaba Buhari a baude yake sosai kuma bai kasance kan gaba ba ta fuskoki da dama. Tabbas ba alama ce ta rashin tasirin aiki ba ko kuma wannan ba shi ke nuni da baya shugabanci ba.

“Mutane sun yi marmarin ya yi magana da‘ yan Najeriya kuma sun ba da shawarar hakan har da majalisar kasa."

“Mafi yawan bangarorin‘ yan Najeriya sun gamsu da farin cikin ganin shugaban kasa a zahirin gaskiyar sa, iya aiki da kuma nuna farin ciki da iya gudanar da mulki da kyau amma hakan a bayyane zai bata ran wasu mutane, wadanda a ganinsu, babu wani abin kirki da zai iya fitowa daga gwamnatin da ba sa cikinta”

Asali: Legit.ng

Online view pixel