Labarai

Yanzu-yanzu: Yan Majalisar dattawa sun kammala aiki kan kasafin kudin 2021, sun yi kari sama da N500bn

Litinin, Disamba 21, 2020 at 2:19 Yamma daga Abdul Rahman Rashid 1 - tsawon mintuna

- Yan majalisar dattawan tarayya sun gama kanikancin kasafin kudin 2021, Sanata Barau Jibrin ya bayyana

- Shugaba Buhari ya gabatar da kasafin kudin gaban majalisa a watan Oktoba

- Sanata Ahmed Lawan ya bayyana amincewar majalisar da kasafin kudin 2021 tare da karin sama da bilyan 500

Majalisar dattawa Najeriya ta amince da kasafin kudin N13.588 tiriliyan na shekarar 2021 da shugaba Muhammadu Buhari ya gabatar watanni biyu baya yanzu.

Hakan ya biyo bayan kammala aikin da kwamitin lissafe-lissafen kasafin kudi da tayi kan kasafin kudin.

Shugaban kwamitin, Sanata Barau Jibrin, ya gabatar da daftarin kasafin kudin a ranar Litinin, 21 ga watan Disamba, 2020.

Yan majalisar sun yi karin sama da biliyan 500 kan abinda shugaba Muhammadu Buhari ya gabatar.

A watan Oktoba, Buhari ya gabatar da kasafin N13.08tr amma yanzu an mayar da shi N13.588tr

Yanzu-yanzu: Yan Majalisar dattawa sun kammala aiki kan kasafin kudin 2021, sun yi kari sama da N500bn Credit: @NGRSenate
Asali: Twitter

Asali: Legit.ng

Authors:

Abdul Rahman Rashid Rashidah Abdul Rahman 'yar jarida ce kuma dalibar ilimi wacce ta kwashe shekaru kimanin hudu yanzu tare da shararriyar jarida Legit. Ta samu gogewa a ɓangaren rubutun labarai akan fannoni shatta, wanda suka hada da siyasa, kasuwanci, wasanni, nishadi, dss. Zaku tuntubarta a akwatin email: abdulrahman.rashidah@corp.legit.ng