Yanzu-yanzu: Buhari zai yi wa kasa jawabi na musamman da daren nan

- Bayan kiraye-kiraye gareshi yayi magana, Buhari zai yi da daren Alhamis

- Mai bada shawara kan lamuran tsaro ya ce Buhari zai dauki matakai masu muhimmanci

Shugaba Muhammadu Buhari zai yi jawabi ga yan Najeriya misalin karfe 7 na daren nan, cewar fadar shugaban kasa, Aso Villa da yammacin nan a shafinta na Facebook.

A jawabin da mai magana da yawunsa, Femi Adesina ya rattafa hannu, Buhari ya samu bayanai daga wajen hukumomin tsaro kan abubuwan da ke faruwa a kasar.

"Bayan samun bayanai daga wajen hafsoshin tsaro kan halin da kasa ke ciki, shugaba Muhammadu Buhari zai yi jawabi ga kasa ranar Alhamis, 22 ga Oktoba, 2020 misalin karfe 7," cewar jawabin.

Abubuwa sun dagule a fadin tarayya tsakanin ranar Talata, 20 ga wata zuwa Alhamis 22 ga watan Oktoba.

Kawo yanzu bata garin matasa sun kai hari gidajen yari domin sakin fursunonin dake cikin. Yayinda suka samu nasara a wasu kuma suka saki fursunoni sama da 2500, Sojoji da yan sanda sun dakile daya na Ikoyi a Legas.

Hakazalika matasa sun kona ofishohin hukumar yan sanda akalla 10 a jihar Legas.

Ga jerin wuraren da aka kaiwa hari:

1. Hukumar kula da tashan jirgin ruwa - An banka wuta

2. Ofishin yan sandan Orile - An banka wuta

3. Garajin Lekki - An banka wuta

4. Tashar Motar BRT dake Oyingbo - An bankawa sabbin motoci wuta

5. Gidan talabijin TVC, Ketu Legas - An banka wuta

6. Ofishin VIO, Ofishin FRSC, Ojodu - An banka wuta

7. Tashar wutan BRT, Ojodu Legas - An banka wuta

8. Tashar BRT dake Berger - An banka wuta

9. Gidan talabijin jihar Legas,Agidingbi, Ikeja - An banka wuta

10. Wajen shakatawa, Oregun, Legas - Agidingbi, Ikeja

11. Fadar Sarkin Legas - An banka wuta

12. Gidan mahaifiyar gwamnan Legas Surulere Legas - An banka wuta

13 Makarantar Kings College

14. Oriental Hotel, Victoria Island Lagos

KU KARANTA: Bata gari sun fasa kurkukun jihar Ondo, sun saki fursunoni 58

15. Sassan bankin AccessBank - An banka wuta

16. Sassan bankin GTBank - An banka wuta

17. Sakatariyan karamar hukumar Ajeromi

18. Sakatariyar karamar hukumar Lagos Island

19. Sakatariyar karamar hukumar Lagos Island East

20. Sakatariyar karamar hukumar Lagos Mainland

21. Sakatariya Ibeju Lekki LCDA

22. Gidan babban yayan gwamnan Legas dake Lagos Island

23. Gidan jaridar The Nation

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng