A shirye muke wurin bai wa damokaradiyyar kasar nan kariya - Rundunar soji

A shirye muke wurin bai wa damokaradiyyar kasar nan kariya - Rundunar soji

- Rundunar sojin Najeriya a shirye take da kare Najeriya daga duk wata tarzoma da kuma tashin hankali da ke tunkarar kasar cewar Sagir Musa

- Kamar yadda jaridar The Cable ta wallafa, da kyar wani mai daukan hoto ya guje wa harbin sojoji lokacin da yake daukar bidiyon masu zanga-zanga a majalisar dattawa

- Kamar yadda takardar da ya wallafa ta nuna, rundunar soji na iyakar kokarinta wurin kare Najeriya da damokaradiyya

Rundunar Sojin Najeriya tace a shirye take ta kare Najeriya da damokaradiyyarta komai rintsi.

A wata takardar ranar Laraba, Sagir Musa, mukaddashin kakakin rundunar sojin Najeriya ya ja kunnen masu tada tarzoma da su kiyaye yin duk wani abu da zai cutar da kasar nan.

A ranar Talata ne wani bidiyon wasu sojoji dake cin zarafin wani mai daukar hoton gidan talabijin din ARISE, har da kwace masa kayan aiki a lokacin da yake daukar Bidiyon masu zanga-zanga a majalisar dattawa yayi ta yawo a kafafen sada zumuntar zamani.

Jaridar The Cable ta wallafa yadda ya samu ya guje wa harbin sojoji da kyar.

A wata takarda da aka rubuta washe garin da al'amarin ya faru, Musa yace sojojin Najeriya na iyakar kokarinsu wurin tabbatar da zaman lafiya da tsaro a kasar.

Yace, "Rundunar soji na matukar kokarin tankwara farar hula wurin bin dokokin kasa ko yaushe. Don haka an umarci sojoji da su tsaya tsayin-daka wurin dakatar da duk wani mai tada hankulan jama'a."

KU KARANTA: EndSARS: Hotunan mata 6 'yan gwagwarmaya da suka dauka hankali

A shirye muke wurin bai wa damokaradiyyar kasar nan kariya - Rundunar soji

A shirye muke wurin bai wa damokaradiyyar kasar nan kariya - Rundunar soji. Hoto daga @Thecable
Source: Twitter

KU KARANTA: EndSARS: Babu bukatar cigaba da zanga-zanga don kun samu abinda kuke so

A wani labari na daban, dan tsohon mataimakin shugaban kasa, Aliyu Atiku Abubakar, ya yi wallafar da ta janyo cece-kuce a shafinsa na Twitter.

Wallafar kuwa ya yi ta ne a kan wannan zanga-zanga ta kawo karshen SARS wacce ta ki ci balle cinyewa.

A wallafarsa, "Juyin juya hali ne ke gabatowa a gagarumar kasar nan da ta fi kowacce kasa yawan mutane a Afrika. Wannan zanga-zanga ta EndSARS ta wuce kawo gyara ga ayyukan 'yan sanda."

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit.ng

Tags:
Online view pixel