Labarai

Tirkashi: Hotunan matar da ta yi shagalin mutuwar aurenta

Talata, Agusta 18, 2020 at 1:28 Yamma daga Mudathir Ishaq 2 - tsawon mintuna

- Wata mata ta wallafa hotunan ta biyu da suka tada hankalin ma'abota amfani da kafafen sada zumuntar zamani

- A hotunan, wata kyakyawar mata ta bayyana sanye da kayan alfarma tare da kek inda take murnar mutuwar aurenta

- 'Yan kasar Afrika ta Kudun sun matukar girgiza da abinda ya faru inda suka dinga tofa albarkacin bakinsu

Wata mata ta ja hankalin jama'a a kafar sada zumuntar zamani bayan da ta yi bikin shagalin murnar mutuwar aurenta.

A ranar Litinin, 17 ga watan Augusta, wata ma'abociyar amfani da Twitter mai suna Lungi Shozi, ta wallafa hotunan.

Matar ta siya wa kanta kek inda aka rubuta: "Na yi, na gama, na kammala. Mun rabu daga karshe."

Shozi ta yi rubutu kamar haka a kasan hotunan: "A yanzu jama'a har bikin shagalin mutuwar aure ake yi."

'Yan kasar Afrika ta Kudu sun kasa kyale hotunan a haka, amma sai suka bi sashen tsokaci inda suka dinga tofa albarkacin bakinsu.

Malusi luso ya yi tsokaci kamar haka: "Duniya yanzu ta aminta da rashin hankali. Duba, ba shagalin a kan kwanciyar hankali take yi ba, bacci ba tare da kuka ba, rashin dukan miji da sauransu."

Tirkashi: Hotunan matar da ta yi shagalin mutuwar aurenta. Hoto daga @IamlungiDee
Asali: UGC

KU KARANTA: Boko Haram: Sojoji sun ragargaza maboya da kayan aikin 'yan ta'adda a Borno

Duk da ba wannan bane karo na farko da aka fara shagalin murnar mutuwar aure ba, wani mutum ya bayyana na shi.

A kwanakin baya, bawan Allan ya fito inda ya nuna farin cikinsa bayan rasuwar aurensa.

Matashin ya sanar da rabuwarsa da matarsa inda ya ce ya dawo daga kangi. A wasu hotunan mutumin da suka bayyana, an gan shi tsaye a gaban wata babbar mota inda aka rubuta "yanzu mun rabu" ta tagar bayan motar.

A bayyane murnar mutuwar aurenshi ya ke a fuskar matashin kuma hotunan sun ba zu a kafafen sada zumuntar zamani.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Mata Da Miji