Labarai

Dalilin da yasa muke bukatar Sanusi a jami'ar Oxford - Darakta

Alhamis, Agusta 13, 2020 at 5:42 Yamma daga Mudathir Ishaq 2 - tsawon mintuna

Tsohon sarkin Kano, Muhammadu Sanusi II, ya tabbatar wa da jaridar Daily Trust cewa zai fara wani shiri a kasaitacciyar jami'ar Oxford da ke Ingila a watan Oktoban wannan shekarar.

Zai fara karatun ne a cibiyar nazarin Afrika da kwalejin St. Antony duk a jami'ar Oxford.

Kwamitin cibiyar, wanda cikin makon nan ya amince da bukatar Sanusi a cibiyar, ya ce zai yi karatun ne daga 2020 zuwa 2021.

Kamar yadda cibiyar ta ce, Sanusi, wanda aka tube wa rawani a farkon shekarar nan, ya yi niyyar amfani da wannan lokacin don rubuta littafi a kan yadda za a yi martani ga matsalar kudi a duniya.

Cibiyar ta sanar da cewa zai yi amfani da gogewarsa a matsayin tsohon gwamnan babban bankin Najeriya, kuma a matsayin ma'aikacin bankin da gogaggen wanda ya saba mu'amala da jama'a.

A yayin zantawa da Daily Trust a daren jiya, daraktan cibiyar, Farfesa Wale Adabamwi, wanda dan Najeriya ne, ya ce:

"Ina matukar farin ciki da zai zo cikinmu a watan Oktoban. Zai zama babban ci gaba ga abinda muke yi. Zai yi aiki a kan bincikensa kuma zai dinga amfani da gogewarsa don dalibai da manazarta."

Sanusi, masanin tsumi da tattali kuma ma'aikacin bankin, ya yi aiki a matsayin gwamnan babban bankin Najeriya daga 2009 zuwa 2014.

Dalilin da yasa muke bukatar Sanusi a jami'ar Oxford - Darakta. Hoto daga Daily Trust
Asali: UGC

KU KARANTA: Ziyartar Buhari: Gwamnan PDP ya dakatar da masu sarauta 12 a jiharsa

Tsohon darakta janar na hukumar tsaro da musaya, Arunma Oteh, shine babban manazarci a cibiyar a halin yanzu.

Cibiyar ta horar da dalibai wadanda a halin yanzu suke rike da mukamai daban-daban na fannin tattalin arzikin da siyasa a Afrika da sauran sassa na duniya.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng