Labarai

Hotuna da bidiyo: Yadda sojin sama suka ragargaza 'yan bindiga a dajin Kagara

Laraba, Yuli 22, 2020 at 5:31 Yamma daga Mudathir Ishaq 2 - tsawon mintuna

Hedkwatar tsaro ta ce dakarun sojin saman Rundunar Operation Hadarin Daji sun ragargaza sansanin 'yan bindiga a samamen da ta kai ta jiragen yaki a dajin Kagara na jihar Zamfara.

Kamar yadda Shugaban fannin yada labarai na rundunar, John Enenche ya sanar a ranar Laraba a Abuja, dakarun sun kai samamen ne a ranar 20 ga watan Yulin 2020.

Hotuna da bidiyo: Yadda sojin sama suka ragargaza 'yan bindiga a dajin Kagara. Hoto daga Defence HQ
Asali: Twitter

Enenche ya ce sun kai samamen ne bayan rahotannin sirri da suka samu na 'yan bindigar da ke dajin tare da dabbobin da suka sace a wani sassa na dajin.

Ya ce an tabbatar da rahotannin sirrin bayan leken asirin da aka yi ta jiragen yaki. Hakan ne yasa aka ragargaza maboyar da ruwan bama-bamai.

Kamar yadda yace, jiragen rundunar sojin saman sun isa wurin inda suka dinga ruwan bama-bamai da ya kai ga kisan wasu daga cikin 'yan bindigar.

"Wasu daga cikin 'yan bindigar da suka yi yunkurin tserewa ta hanyar shigewa cikin dabbobin, duk an damke su."

Shugaban dakarun sojin sama, Sadique Abubakar, ya jinjinawa rundunar a kan kwarewar da suka bayyana.

KU KARANTA: 'Yan siyasa 5 da 'ciwonsu ya tashi' a yayin da ake bincikarsu a kan rashawa (Hotuna)

Ya yi kira garesu da su ci gaba da kokarin da suke yi ta hanyar bada goyon baya ga dakarun sojin kasan don tabbatar da kawo karshen 'yan bindiga.

Hakan kuwa shine cikar umarnin shugaban ma'aikatan tsaro na dawo da zaman lafiya yankin arewa maso yamma da arewa ta tsakiya ta kasar nan.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Zamfara