Labarai

Matar aure ta rabu da mijinta, ta aure dan mijinta

Laraba, Yuli 15, 2020 at 2:50 Yamma daga Mudathir Ishaq 2 - tsawon mintuna

Marina Balmasheva, 'yar asalin kasar Rasha ta aura dan kishiyarta mai shekaru 20 mai suna Vladimir Shavyrin, bayan rabuwarta da mahaifinsa.

Matar mai shekaru 35 ta wallafa bidiyon yadda suka yi auren kotu da dan nata. A halin yanzu, suna tsammanin haihuwa nan ba da dadewa ba, jaridar Daily Mail Online ta ruwaito.

A watan Mayu, Marina mai shekaru 35 ta bayyana labarin a yanar gizo, inda ta wallafa hotunanta tare da Vladimir a lokacin da yake da shekaru 7 a duniya.

Matar aure ta rabu da mijinta, ta aure dan mijinta. Hoto daga The Nation
Asali: Twitter

A ranar aurensu, ta rubuta: "Mun isa wurin daurin auren. Ko gashina ban gyara ba. Zobban duk suna mota. Duk da farin cikin da muke ciki, akwai jin kunya kadan.

"Bayan daurin auren, mun saka kayan biki tare da jin dadinmu a wata liyafa da muka hada a wani gidan cin abinci. A halin yanzu ina da ciki kuma muna son komawa babban birni."

Matar 'yar asalin yammacin Krasnodar Krai, na zama da mijinta mai suna Alexey mai shekaru 45 kafin rabuwarsu.

Sun yi zaman aure tun daga 2007 kafin su rabu sannan ta aure dan sa.

Marina ta bayyana cewa basu magana da tsohon mijinta. "Ina tsammanin bai ji dadin abinda muka yi ba," tace.

KU KARANTA: Matar aure ta kashe aurenta bayan cewa da tayi za ta iya cin amanar mijinta a kan N200,000

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Mata Da Miji