Jami'o'i sun kayyade makin samun gurbin karatu a bana - JAMB

Jami'o'i sun kayyade makin samun gurbin karatu a bana - JAMB

Kimanin makarantu masu bayar da shaidar digiri 51 a Najeriya, ba za su dauki duk dalibin da ya samu maki kasa da 180 ba a jarabawar JAMB ta shekarar 2020.

Wannan sanarwar na kunshe cikin wani sako da Fabian Benjamin, kakakin Hukumar shirya jarabawar neman shiga jami'a da makaratun gaba da sakandire ya fitar a ranar Litinin.

A rahoton da jaridar Premium Times ta ruwaito, Hukumar JAMB a makon jiya ne ta kayyade 160, a matsayin mafi karancin makin samun shiga jami'a da makarantun gaba da sakandire na gwamnati.

Hukumar ta cimma matsayar hakan ne bayan wani tsari na jefa kuri'a da ta gudanar, sai dai wasu jami'o'in sun ce ba za su dauki daliban da makinsu ya yi kasa da 180 ba.

Jami'o'i sun kayyade makin samun gurbin karatu - JAMB

Jami'o'i sun kayyade makin samun gurbin karatu - JAMB
Source: Twitter

Daga cikin makarantu 51 da su ka yanke shawara kan 180 a matsayin mafi karancin makin samun gurbin karatu, guda daya ce kadai ta kayyade 210 a matsayin mafi karancin makin da ta ke bukata.

KARANTA KUMA: Ma'aikatan Gwamnati a jihar Oyo sun koma aiki

Wasu jami'o'in 9 kuma sun riki 200 a matsayin mafi karancin makin samun gurbin karatunsu a duk kwasa-kwasai.

Haka kuma wata jami'a guda daya, ta kayyade 190 a matsayin mafi karancin makin samun gurbin karatu, yayin da wasu jami'o'in 40 suka takaita a kan maki 180.

Jerin jami'o'in da ba za su karbi kasa da maki 200 ba:

1) Jami'ar Pan-Atlantic - 210

2) Jami'ar Covenant - 200

3) Jami'ar Obafemi Awolowo - 200

4) Jami'ar Ibadan - 200

5) Makarantar Koyon Kwarewa a Limancin Addinin Kirista ta All Saints - 200

6) Jami'ar Benin - 200

7) Makarantar Koyon Kwarewa a Limancin Addinin Kirista ta Bigard Memorial - 200

8) Jami'ar Lagos - 200

9) Kwalejin Koyon Ilimin Addinin Kiristanci ta Immanuel - 200

10) Makarantar Koyon Kwarewa a Limancin Addinin Kirista ta St. Peter and Paul - 200

Jerin jami'o'in da ba za su karbi kasa da maki 190 ba:

11) Jami'ar Jihar Legas - 190

Jerin jami'o'in da ba za su karbi kasa da maki 180 ba:

12) Jami'ar Sojin Kasa, Maiduguri - 180

13) Jami'ar Jihar Ekiti - 180

14) Jami'ar Afe Babalola - 180

15) Kwalejin Koyon Tauhidi ta Baptist - 180

16) Jami'ar Anchor, Ayobo - 180

17) Jami'ar Kiwon Lafiya ta Pamo - 180

18) Jami'ar Redeemers - 180

19) Jami'ar Landmark - 180

20) Jami'ar Tarayya ta Alex Ekwueme - 180

21) Jami'ar Ilorin - 180

22) Jami'ar Jos - 180

23) Jami'o'in Tarayya (Federal Universities) - 180

24) Jami'ar Abuja - 180

25) Jami'ar Bayero, Kano -180

26) Jami'ar Ahmadu Bello, Zaria - 180

27) Jami'ar Augustine - 180

28) Jami'ar Jihar Rivers - 180

29) Makarantar Koyon Tauhidi Ta Spiritan - 180

30) Adekunle Ajasin University - 180

31) Jami'ar Jihar Imo - 180

32) Makarantar Koyon Aikin Dan Sanda -180

33) Makarantar Falsafa ta Spiritan -180

34) Jami'ar Fatakwal – 180

35) Jami'ar Fasaha ta Ladoke Akintola -180

36) Makarantar Koyon Falsafa ta Claretian -180

37) Makarantun Horas da Dakarun, NDA, Kaduna - 180

38) Jami'ar Jihar Binuwe -180

39) Makarantar Koyon Kwarewa a Limancin Addinin Kirista ta Majalisin Hikima -180

40) Jami'ar Kimiya da Fasaha ta Jihar Ondo - 180

41) Jami'ar Olabisi Onabanjo - 180

42) Jami'ar Tarayya ta Noma - 180

43) Jami'ar Kiwon Lafiya ta Bayelsa - 180

44) Jami'ar Tarayya ta Fasaha, Imo - 180

45) Jami'ar Tarayya ta Fasaha, Akure - 180

46) Jami'ar Najeriya, Nsuka -180

47) Jami'ar Tarayya ta Albarkatun Man Fetur - 180

48) Jami'ar Kiwon Lafiya ta Jihar Ondo - 180

49) Jami'ar Abubakar Tafawa Balewa- 180

50) Jami'ar Uyo -180

51) Jami'ar Ambrose Alli - 180

Akwai makarantu masu bayar da shaidar digiri 182 a Najeriya, 10 daga cikinsu sun kayyade 200 zuwa sama a matsayin mafi karancin makin samun gurbin karantunsu, sai kuma 11 sun takaita a kan maki 190 zuwa sama.

Kimanin jami'o'i 51 sun kayyade 180 zuwa sama a matsayin mafi karancin makin samun gurbin karatu.

Makarantu 64 sun takaita a kan maki 170 zuwa sama, sai kuma 112 da suka riki 160 zuwa sama a matsayin mafi karancin makin samun gurbin karatu, yayin da 69 suka takaita a kan 160 ko kasa da haka.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit

Mailfire view pixel