Siyasa

FG ta bayyana matsayin Buhari a kan makomar 'yan N-Power da aka fara dauka

Lahadi, Yuni 07, 2020 at 5:45 Yamma daga Mudathir Ishaq 2 - tsawon mintuna

- Gwamnatin tarayya (FG) ta ce bata da niyyar bayar da aiki ga matasan da aka fara dauka aikin sa kai na wucin gadi a karkashin shirin N-Power

- Ma'aikatar kula da harkokin hidimtawa 'yan kasa ta karyata labarin da ake yadawa a kan cewa shugaba Buhari zai sanar da bayar da aiki ga matasan a ranar 12 ga watan Yuni

- A kwanakin baya ne minista ma'aikatar, Sadiya Umar Farouq, ta ce za a yaye matasan tare da daukan wasu sabbi

Gwamnatin tarayya ta mayar da martani a kan rahotannin da ake yadawa a kan cewa shugaban kasa, Muhammadu Buhari, zai dauki matasan da ke cin moriyar shirin N-Power aiki bayan karewar wa'adinsu na shekaru biyu.

Rhoda Iliya, mataimakiyar darektan yada labarai a ma'aikatar walwala, bayar da tallafi da jin kai, ta yi watsi da rahotannin tare da bayyanasu a matsayin labaran kanzon kurege, marasa tushe.

Ma'aikatar ta bayyana haka ne biyo bayan labarin da ake yadawa a dandalin sada zumunta a kan cewa shugaba Buhari zai sanar da daukan 'yan N-Power rukunin 'A' aiki a jawabin da zai gabatar a ranar 12 ga watan Yuni.

A cikin labarin da ake yadawa, an nuna cewa shugaba Buhari zai sanar da daukan matasan aiki a matsayin tukuicin kammala aikin wucin gadi na shekara biyu da su ka yi wa gwamnatin tarayya.

FG ta bayyana matsayin Buhari a kan makomar 'yan N-Power da aka fara dauka — Wasu matasa ma su cin moriyar shirin N-Power
Asali: Depositphotos

A cikin sanarwar, ma'aikatar harkokin hidmtawa 'yan kasa ta ce a kafofinta na yada labarai ne kadai za a fitar da duk wata sanarwa da ta shafi ma su cin moriyar shirin N-Power ko sauran shirin da ke karkashin tsarin NSIP.

DUBA WANNAN: Biyan bashi: FG za ta rabawa wasu jihohi biyar biliyan N148

"Hankalin ma'aikatar hidimtawa 'yan kasa ya kai kan wani labarin kanzon kurege da ake yadawa a kan cewa shugaban kasa, Muhammadu Buhari, zai sanar da bayar da aiki ga matasan da su ka kamma cin moriyar shirin N-Power a jawabin da zai gabatar ranar 12 ga watan Yuni.

"Ma'aikatarmu na yin kira ga jama'a a kan su yi watsi da wannan sako domin labarin kanzon kurege ne," kamar yadda ma'aikatar ta bayyana a cikin sanarwar.

A kwanakin baya ne ministar ma'aikatar, Sadiya Umar Farouq, ta sanar da cewa za a yaye matasan da aka fara dauka domin samun gurbin daukan wasu sabbi.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

NSCDC N-Power