Yanzu-yanzu: An saki Sanata Orji Uzor Kalu daga gidan yari

Yanzu-yanzu: An saki Sanata Orji Uzor Kalu daga gidan yari

An saki tsohon gwamnan jihar Abiya kuma Sanata da ci yanzu, Orji Uzor Kalu, daga gidan gyari hali da yammacin Laraba, 3 ga watan Yuni, 2020.

Kakakin hukumar gidajen gyara halin Najeriya NCos, DCC Austin Njoku, wanda ya tabbatar da hakan ya ce an saki Orji kalu ne misalin karfe 5:05 na yamma, Punch ta ruwaito.

Yace: "An saki tsohon gwamna Orji Kalu daga kurkuku karfe 5:05 daidai na yammacin Laraba. An sakeshi ne bayan mun samu takardar umurni da kotu na sakinsa."

Yanzu-yanzu: An saki Sanata Orji Uzor Kalu daga gidan yari

Yanzu-yanzu: An saki Sanata Orji Uzor Kalu daga gidan yari
Source: UGC

Yanzu-yanzu: An saki Sanata Orji Uzor Kalu daga gidan yari

Yanzu-yanzu: An saki Sanata Orji Uzor Kalu daga gidan yari
Source: UGC

A ranar Talata, 2 ga watan Yuni, wata Babbar Kotun Tarayya da ke zamanta a jihar Legas, ta ba da umarnin sakin tsohon gwamnan jihar Abia, Orji Uzor Kalu, daga kurkuku.

A ranar 5 ga watan Dasumba, 2019, aka yankewa Mista Kalu hukuncin daurin na shekaru 12 a gidan dan Kande.

Hakan ya biyo bayan samunsa da laifin yin ruf da ciki a kan N7.1bn tare da kamfaninsa, Slok Nigeria Limited, da kuma wani tsohon Daraktan Kudi a gwamnatin Jihar Abia, Jones Udeogu.

Haka kuma Legit.ng Hausa ta ruwaito cewa, masu zanga-zanga a karkashin kungiyar al'umma masu kishi reshen Abiya ta Arewa, a yau Talata sun mamaye majalisar dokoki ta Tarayya.

Sun yi kira ga shugaban majalisar dattawa, Sanata Ahmad Lawan da ya yi gaggawar sanya kujerar bulaliyar masu rinjaye a majalisar, Sanata Orji Uzor Kalu a kasuwa.

Mista Kalu ya kasance dan jam’iyya mai ci ta APC kuma har yanzu shi ne Sanata mai wakilcin shiyar Abia ta Arewa a zauren majalisar dattawa.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit

Tags:
Mailfire view pixel